Gizur Ísleifsson Bergsteinsson

Gizur Ísleifsson Bergsteinsson (1902-1997) var íslenskur lögfræðingur og Hæstaréttardómari. Hann er þaulsetnastur allra dómara við réttinn, en hann sat sem dómari við réttinn í 36 ár og 152 daga, frá 1935-1972.

Gizur fæddist þann 18. apríl 1902 að Árgilsstöðum í Hvolhreppi. Gizur útskrifaðist sem stúdent frá Menntaskólanum í Reykjavík árið 1927, í kjölfarið útskrifaðist hann með embættispróf í lögfræði frá lagadeild Háskóla Íslands 1927. Var hann við framhaldsnám erlendis árin 1927 og 1928. Við heimkomu var hann endurskoðandi hjá sýslumönnum og bæjarfógetum frá 1928-1929, en hóf svo störf sem fulltrúi í dóms- og kirkjumálaráðuneytinu, gegndi hann því starfi fram til ársins 1935 þegar hann var skipaður dómari við Hæstarétt.