Gintautas Paluckas
| Gintautas Paluckas | |
|---|---|
(correct_angle_version).jpg) Paluckas árið 2023. | |
| Forsætisráðherra Litáens | |
| Í embætti 12. desember 2024 – 4. ágúst 2025 | |
| Forseti | Gitanas Nausėda |
| Forveri | Ingrida Šimonytė |
| Eftirmaður | Rimantas Šadžius (starfandi) Inga Ruginienė |
| Persónulegar upplýsingar | |
| Fæddur | 19. ágúst 1979 Panevėžys, litáíska sovétlýðveldinu, Sovétríkjunum |
| Þjóðerni | Litáískur |
| Stjórnmálaflokkur | Jafnaðarmannaflokkurinn |
| Maki | Ilma Paluckė |
| Börn | 2 |
| Háskóli | Háskólinn í Vilníus |
Gintautas Paluckas (f. 19. ágúst 1979) er litáískur stjórnmálamaður úr Jafnaðarmannaflokknum. Hann var forsætisráðherra Litáens frá árinu 2024 til ársins 2025. Hann var leiðtogi Jafnaðarmannaflokksins frá 2017 til 2021 og varaborgarstjóri Vilníus frá 2015 til 2019. Paluckas tók við embætti forsætisráðherra eftir þingkosningar í nóvember árið 2024 en sagði af sér innan við ári síðar vegna hneykslismála.
Æviágrip
[breyta | breyta frumkóða]Gintautas Paluckas lauk stúdentsprófi frá Juozas Balčikonis-skólanum í Panevėžys árið 1997 og nam síðan ensku við Charles Dickens-skólann í London frá 2000 til 2001. Árið 2003 útskrifaðist hann frá Háskólanum í Vilníus með gráðu í upplýsingafræði og árið 2004 útskrifaðist hann með gráðu í hagfræði frá hagfræðideild háskólans. Frá árinu 2004 nam hann lögfræði við skólann.
Frá 2003 til 2005 vann Paluckas sem sérfræðingur hjá SoDra, litáísku almannatryggingastofnuninni. Frá árinu 2005 var hann aðstoðarmaður Evrópuþingmannsins Justas Vincas Paleckis. Frá 2007 til 2009 fór Paluckas fyrir framkvæmdastjórn stjórnsýslu í sveitarfélagi Vilníus-borgarsvæðisins.[1] Á meðan Paluckas var í því starfi var hann dæmdur í tveggja ára skilorðsbundið fangelsi og sektaður fyrir að misnota aðstöðu sína og gera samninga við fólk tengt sér um að stöðva rottufaraldur í borginni.[2]
Paluckas var leiðtogi litáíska Jafnaðarmannaflokksins frá 2017 til 2021 og varaborgarstjóri Vilníus frá 2015 til 2019.
Þann 21. nóvember 2024 var Paluckas kjörinn forsætisráðherra af litáíska þinginu og tilnefndur til embættisins af forseta lýðveldisins. Hann tók sér fimmtán daga til að mynda ríkisstjórn og boðaði aukin útgjöld til varnarmála.[3]
Paluckas tilkynnti afsögn sína 31. júlí 2025 vegna rannsóknar á hugsanlegum fjármálaglæpum fyrirtækja sem tengjast honum.[4]
Tilvísanir
[breyta | breyta frumkóða]- ↑ „Gintautas Paluckas - Members of the Seimas“. lrs.lt (enska). Sótt 6 nóvember 2024.
- ↑ Róbert Jóhannsson (31. júlí 2025). „Frændhygli forsætisráðherra Litáens að falli“. RÚV. Sótt 7. ágúst 2025.
- ↑ „Lituanie: le social-démocrate Gintautas Paluckas nommé Premier ministre“. La Libre.be. 21 nóvember 2024. Sótt 22 nóvember 2024..
- ↑ „Forsætisráðherra Litáens segir af sér“. mbl.is. 31. júlí 2025. Sótt 7. ágúst 2025.
| Fyrirrennari: Ingrida Šimonytė |
|
Eftirmaður: Rimantas Šadžius (starfandi) | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.