Georgij Zhukov

Úr Wikipediu, frjálsa alfræðiritinu
(Endurbeint frá Georgy Zhukov)
Jump to navigation Jump to search
Georgy Zhukov

Georgy Konstantinovítsj Zhukov (1. desember 189618. júní 1974) var sovéskur hershöfðingi. Zhukov var einn mikilvægasti hershöfðingi Sovétmanna í seinni heimsstyrjöldinni og tók hann þátt í mörgum af helstu orrustunum á austurvígstöðvunum; meðal annars orrustunni um Stalíngrad, orrustunni um Leníngrad, orrustunni við Kursk og orrustunni um Berlín.

Í ágúst 1942 var Zhukov sendur til Stalíngrad til að stjórna vörn Sovétmanna gegn Þjóðverjum. Í Stalíngrad skipulagði Zhukov Úranus-aðgerðina sem hrint var í framkvæmd í nóvember 1942. Aðgerðin fól það í sér að sjötti her Þjóðverja, undir stjórn Friedrichs Paulus var umkringdur í Stalíngrad, sem leiddi til þess að sjötti herinn gafst upp í febrúar 1943 og Sovétmenn unnu borgina á sitt vald.

Zhukov átti einnig þátt í að brjóta á bak aftur umsátrið um Leníngrad og hann var yfirmaður herafla Sovétmanna í orrustunni við Kursk árið 1943, þar sem Sovétmenn stöðvuðu síðustu sókn Þjóðverja á austurvígstöðvunum. Zhukov tók þátt í sókn Sovétmanna til vesturs allt til stríðsloka og var hann viðstaddur uppgjöf Þjóðverja í Berlín í maí 1945.

Eftir stríðið var Zhukov ráðherra varnarmála um tíma, undir stjórn Nikita Krústsjov, en féll svo í ónáð og var þvingaður til að setjast í helgan stein.

  Þetta æviágrip er stubbur. Þú getur hjálpað til með því að bæta við greinina.