Gengi New York-borgar
Gengi New York-borgar (enska: Gangs of New York) er sannsöguleg bandarísk glæpamynd frá árinu 2002 sem Martin Scorsese leikstýrði. Leonardo DiCaprio, Daniel Day-Lewis og Cameron Diaz fara með aðalhlutverk í myndinni sem fjallar um ungan mann að nafni Amsterdam sem snýr aftur til New York borgar eftir sextán ára fjarveru og ætlar sér að ná hefndum gegn William „Bill the Butcher“ Cutting sem drap föður hans í blóðugu klíkustríði. Myndin kom út í kvikmyndahúsum í Bandaríkjunum þann 20. desember 2002 og þann 21. febrúar 2003 á Íslandi og var tilnefnd til tíu óskarsverðlauna þar á meðal sem „besta kvikmynd“ og „besti leikstjóri“.
