Gallerí Fold

Úr Wikipediu, frjálsa alfræðiritinu
Jump to navigation Jump to search

Gallerí Fold er listagallerí við Rauðarárstíg. Eigandur þess eru Jóhann Ágúst Hansen ásamt hjónunum Elínbjörtu Jónsdóttur og Tryggvi Páli Friðrikssyni.

Gallerí Fold er leiðandi í sýningar- og uppboðshaldi á Íslandi. Galleríið var stofnað árið 1990 en hefur verið í eigu núverandi eigenda frá 1992. Árið 1994 flutti Galleríið starfsemi sína í eigið húsnæði að Rauðarárstíg 14 þar sem það hefur náð að vaxa og dafna. Galleríið er nú í 600 m2 húsnæði og hefur yfir 5 sýningarsölum að ráða en salirnir eru frá 30 – 110 m2. Að jafnaði býður Gallerí Fold verk um 60 íslenskra úrvalslistamanna. Auk þess tekur galleríið verk í endursölu frá einstaklingum og fyrirtækjum, bæði í beina sölu og á uppboð.

Gallerí Fold stendur fyrir listmunauppboðum mánaðarlega yfir vetrartímann sem alla jafna eru vel sótt. Boðin eru upp um eitt hundrað verk hverju sinni. Uppboðsskrá má nálgast í galleríinu eða á myndlist.is. Nýjung í starfseminni eru uppboð á netinu á vefnum uppbod.is. Þar er hægt að bjóða í verk sem eingöngu eru til sölu á netinu eða leggja inn forboð fyrir verk á stærri uppboðum.

Gallerí Fold tekur að sér að verðmeta verk fyrir einstaklinga, fyrirtæki, tryggingarfélög og stofnanir. Til grundvallar verðmatinu liggur mikil þekking á íslenskum listamarkaði og hin íslenska verðvísitala listaverka sem byggist á gögnum um öll listaverkauppboð sem hafa farið fram á Íslandi og galleríið heldur utan um.

Árið 2001 opnaði galleríið rammaverkstæði en starfrækir það nú í samvinnu við Innrammarann ehf við Rauðarárstíg 33.

Tengill[breyta | breyta frumkóða]

  Þessi myndlistagrein sem tengist Reykjavík er stubbur. Þú getur hjálpað til með því að bæta við greinina.