Fyrsta baptistakirkjan
Fyrsta baptistakirkjan í Reykjanesbæ, er helsti söfnuður baptista á Íslandi. Kirkjan var upphaflega stofnuð til að þjónusta bandaríska hermenn í herstöðinni í Keflavík. Kirkjan heldur enn áfram að þjóna enskumælandi fólki en aðaláherslan í starfinu hefur færst yfir í þjónustu við íslenskumælandi íbúa á Suðurnesjum. Fyrsta baptistakirkjan hafur verið skráð kristið trúfélag á Íslandi frá 1994.
Árið 1999 stofnuðu prestshjónin Patrick og Vicky Weimer úr samtökunum Baptist Missionary Family annan söfnuð, Baptistakirkjuna á Suðurnesjum, þar sem guðsþjónustur fóru eingöngu fram á íslensku. Þessi söfnuður sameinaðist Fyrstu baptistakirkjunni árið 2006. Weimer-hjónin, sem fengu íslenskan ríkisborgararétt og breyttu nafnunum í Patrekur Vilhjámsson og Viktoría Karlsdóttir í samræmi við íslensk nafnalög , hafa haft umsjón með prestsþjónustunni frá árinu 2006.
Það eru fleiri óháð baptistatrúboð starfandi á Íslendi.
