Fushimi Inari-taisha

Úr Wikipediu, frjálsa alfræðiritinu
Jump to navigation Jump to search
Framhlið haiden-byggingarinnar.
Gangstígur gegnum torii-hliðupp Inari-fjall.
Torii gangstígur séður frá hlið.

Fushimi Inari-taisha (伏見稲荷大社?) er aðal shinto-hof guðsins Inari, staðsett í Fushimi hverfi Kyoto í Japan. Hofið stendur undir rótum fjalls sem einnig ber nafnið Inari og er 233 metrum yfir sjávarmáli. Upp fjallið eru gönguleiðir að mörgum smærri hofum yfir 4 km leið sem tekur um 2 klukkustundir að ganga.[1]

Inari hefur lengi verið tilbeðinn sem guð viðskiptalífs. Hver og einn torii í hofinu hefur verið byggður með fjárstyrk japansks fyrirtækis. Í grundvöllinn er Inari þó guð hrísgrjónaræktar.

Fushimi Inari Taisha er mjög vinsælt hof og sagt er að það hafi allt að 32 þúsund dótturhof (bunsha (分社?)) víðsvegar í Japan.[2]

Saga[breyta | breyta frumkóða]

Í fyrstu var hofið reist á Inariyama-hæð í suðvestur-Kyoto árið 711, en árið 816 var það fært á núverandi stað að beiðni munksins Kūkai. Meginbyggingar núverandi hofs voru byggðar árið 1499. Neðst í hlíðinni er aðalhlið, svokallað "turnhlið" (楼門? rōmon) og við það aðalhelgiskrín (御本殿? go-honden). Þar fyrir aftan liggur innra helgiskrín (奥宮? okumiya), sem er aðgengilegt með göngustíg með þúsundum torii-hliða. Við fjallstindinn eru tugþúsundir grafreita (? tsuka) fyrir einkatilbeiðslu.

Refir[breyta | breyta frumkóða]

Refir (kitsune) eru álitnir sendiboðar Inari, og má oft finna styttur af þeim í Inari-hofum. Stytturnar sýna þá gjarnan með lykil að hrísgrjónahlöðunni í munninum.

Yfir nýárshátíð japana sækja nokkrar milljónir manns hofið. Árið 2006 tilkynnti lögreglan að hefðu 2,69 milljónir komið yfir þrjá helstu daga hátíðarinnar, sem var það mesta í vestur-Japan.

Aðgengi[breyta | breyta frumkóða]

Hofið er við JR Nara Line Inari-lestarstöðina, sem tekur 5 mínútur að komast til með lest frá Kyoto lestarstöðinni. Það er líka í göngufjarlægð frá Fushimi-Inari lestarstöðinni á aðalbraut Keihan Electric Railway.[3]

Í nútímamenningu[breyta | breyta frumkóða]

Tilvísanir[breyta | breyta frumkóða]

  1. . (Japanese) http://www.jisyameguri.com/chiiki/kyoto/fushimi-inari/ Skoðað 28. mars 2014.
  2. Motegi, Sadazumi. „Shamei Bunpu (Shrine Names and Distributions)". . (Encyclopedia of Shinto). Skoðað 31. mars 2010.
  3. Fushimi Inari Shrine, How to get there

Heimildir[breyta | breyta frumkóða]

Tenglar[breyta | breyta frumkóða]