Frúarkirkjan í Yamoussoukro
6°48′40″N 5°17′49″V / 6.81111°N 5.29694°V
| Frúarkirkjan í Yamoussoukro | ||
 | ||
| Yamoussoukro | ||
| Almennt | ||
| Byggingarár: | 1986–1989 | |
|---|---|---|
| Vígð: | 1990 | |
| Arkitektúr | ||
| Arkitekt: | Pierre Fakhoury | |
 | ||
Frúarkirkjan í Yamoussoukro (franska: Basilique Notre-Dame de la Paix) er kaþólsk kirkja í Yamoussoukro á Fílabeinsströndinni.
Kirkjan er talin stærsta kirkja í heimi. Hún er 149 metrar á hæð, að meðtaldri hjálmhvelfingunni ofan á hvolfþakinu. Flatarmál hennar er 70.000m² og hún getur hýst 18.000 manns.[1] Péturskirkjan í Róm er fyrirmynd Frúarkirkjunnar en ólíkt Péturskirkjunni eru fáar styttur í Frúarkirkjunni en mikið af súlum.[2]
Félix Houphouët-Boigny, fyrsti forseti Fílabeinsstrandarinnar, átti hugmyndina að því að byggja stærstu kirkju í heimi í landinu. Hann lét byggja hana í heimabæ sínum, Yamoussoukro, sem hann hafði gert að höfuðborg landsins í stað Abidjan. Byggingin fór fram á árinum 1986 til 1989 og kirkjan var vígð 10. september 1990. Áður hafði Jóhannes Páll 2. páfi blessað hornstein kirkjunnar 10. ágúst 1985.[1] Framkvæmdirnar voru nokkuð gagnrýndar vegna mikils kostnaðar, þar sem efnahagur Fílabeinsstrandarinnar var í niðursveiflu á þessum tíma og þar sem kaþólikkar eru aðeins smár hluti af íbúum landsins.[2]
Tilvísanir
[breyta | breyta frumkóða]- 1 2 Margrét Einarsdóttir (3. desember 2002). „Hvað er stærsta kirkja í heimi stór og hvar er hún?“. Vísindavefurinn. Sótt 19. nóvember 2025.
- 1 2 „Stærsta kirkja heims“. Þjóðviljinn. 6. janúar 1989. bls. 11.
Þessi trúarbragðagrein sem tengist Afríku er stubbur. Þú getur hjálpað til með því að bæta við greinina.