Forseti Suður-Afríku

Forseti Suður-Afríku 11 opinber heiti President of South Africa President van Suid-Afrika Umongameli waseNingizimu Afrika uMongameli waseMzantsi Afrika Mopresidente wa Afrika Borwa Moporesitente wa Aforika Borwa Moporesitente wa Aforika Borwa Puresidente wa Afrika-Dzonga uMengameli weleNingizimu Afrika Muphuresidennde wa Afrika Tshipembe uMongameli weSewula Afrika
Núverandi Cyril Ramaphosa síðan 15. febrúar 2018
Í ríkisstjórn Suður-Afríku
Gerð	Þjóðhöfðingi Ríkisstjórnarleiðtogi Yfirmaður herafla
Meðlimur	Í ríkisstjórn Suður-Afríku
Opinbert aðsetur	Mahlamba Ndlopfu (Pretoríu) Genadendal (Höfðaborg) Dr. John L. Dube House (Durban)
Sæti	Union Buildings
Skipaður af	Þingi Suður-Afríku
Kjörtímabil	Fimm ár, allt að tvö kjörtímabil
Lagaheimild	Stjórnarskrá Suður-Afríku (1996)
Forveri	Ríkisforseti
Stofnun	10. maí 1994 (1994-05-10)
Fyrsti embættishafi	Nelson Mandela
Staðgengill	Aðstoðarforseti
Laun	3.900.000 R á ári (2019)
Vefsíða	www.thepresidency.gov.za

Forseti Suður-Afríku er þjóðhöfðingi og ríkisstjórnarleiðtogi Lýðveldisins Suður-Afríku. Forsetinn fer með framkvæmdavald ríkisstjórnarinnar og er yfirmaður suður-afríska hersins. Frá 1961 til 1994 var embættið kallað ríkisforseti.

Forsetinn er kjörinn af neðri deild suður-afríska þingsins og er yfirleitt leiðtogi stærsta flokksins á þingi, sem hefur verið Afríska þjóðarráðið síðan fyrstu frjálsu kosningarnar voru haldnar 27. apríl 1994. Samkvæmt stjórnarskránni má forsetinn bara gegna tveimur fimm ára kjörtímabilum.

Fyrsti forseti landsins sem kjörinn var samkvæmt nýverandi stjórnarskrá var Nelson Mandela. Núverandi forseti er Cyril Ramaphosa, sem var kjörinn af þinginu 15. febrúar 2018 eftir að Jacob Zuma sagði af sér.

Á tíma bráðabirgðastjórnarskrár landsins sem gilti frá 1994 til 1996 var þjóðstjórn við völd í landinu þar sem gert var ráð fyrir því að þingmaður úr stærsta stjórnarandstöðuflokknum fengi að gegna embætti aðstoðarforseta. F. W. de Klerk, síðasti ríkisforseti Suður-Afríku á tíma aðskilnaðarstefnunnar, fékk því að gegna embætti aðstoðarforseta í ríkisstjórn Mandela sem leiðtogi Þjóðarflokksins, næststærsta flokksins á nýja þinginu. De Klerk sagði síðar af sér og fór með flokk sinn í stjórnarandstöðu. Síðan þá hefur enginn stjórnmálamaður úr stjórnarandstöðunni gegnt embætti aðstoðarforseta.

Forseti verður að vera meðlimur á neðri deild þingsins þegar hann er kjörinn. Við kjör sitt segir forseti umsvifalaust upp þingsæti sínu út kjörtímabilið. Hægt er að svipta forseta embætti með vantrauststillögu eða kæru til embættismissis.

Tilvísanir

  Þessi stjórnmálagrein er stubbur. Þú getur hjálpað til með því að bæta við greinina.