Flötur félag stærðfræðikennara
Flötur er félag stærðfræðikennara á Íslandi sem stofnað var árið 1993. Félagið hefur það að sínu megin markmiði að styðja við stærðfræðikennara um land allt með útgefnu efni til þess að auka við þekkingu, hæfni og menntun þeirra. Markmið félagsins er að efla stærðfræðikennslu í skólum landsins og vera vettvangur til umræðna um áherslur og markmið stærðfræðinámsins með tilliti til þjóðfélags- og tækniþróunar. Félagið nær til kennara í leik- grunn og framhaldsskólum. Félagsmenn geta verið allir kennarar sem hafa áhuga á stærðfræðikennslu og námi sem og aðrir sem hafa áhuga á viðfangsefnum félagsins vegna starfs síns eða menntunar. Eitt aðal máltæki félagsins er heimasíða þess sem hýst er undir vef Kennarasambands Íslands. Auk þess er félagið með facebook síðu og gefur út rit árlega. Félagið setti á einn dag á ári sem tileinkaður er stærðfræði. Sá dagur er fyrsti föstudagur febrúar mánaðar ár hvert sem kemur upp á 3. febrúar árið 2017 [1]. Þar sem félagið hefur það að sínu aðal markmiði að styðja við stærðfræðikennara um land allt gefur það út fjöldann allan af opnu menntaefni sem aðgengilegt er ekki einungis félagsmönnum heldur einnig almenningi. Allir sem hafa áhuga og vilja geta sótt sér efni á heimasíðu þeirra sem hægt er að nýta til kennslu eða eigin nota. Félagið er virkt og faglegt félag sem gefur reglulega út mikið af nýju og góðu efni.
Flatarmál - Fagtímarit[breyta | breyta frumkóða]
Árlega gefur Flötur út fagtímarit sem kallast Flatarmál. Þar birtast greinar, sögur, rannsóknir og töluvert af opnu kennslu- og menntaefni sem allt tengist stærðfræði og kennslu. Ritið kemur oftast nær út kringum dag stærðfræðinnar. Flatarmál hefur verið gefið út á prenti og síðar selt til félagsmanna og annarra áhugasamra. Ný breyting hefur orðið hjá félaginu með tilkomu nýrrar heimasíðu. Á nýju heimasíðunni hefur félagið gefið eldri eintök Flatarmáls út á rafrænu formi, aðgengilegt fyrir alla án endurgjalds. Tímaritin hafa ýmislegt mennta- og kennsluefni að geyma sem og sögur, myndir og fleira áhugavert. Því eru þessi rit oftar en ekki mikill stuðningur fyrir stærðfræðikennara landsins.
Opið mennta- og kennsluefni[breyta | breyta frumkóða]
Félagið gaf nýlega út sjö ný stærðfræðiverkefni fyrir öll stig menntakerfisins sem opið kennsluefni. Fyrir yngsta stig og leikskóla gaf Flötur út verkefni sem nefnist Ræningjaspilið[óvirkur tengill]. Spilið er spil fyrir tvo leikmenn og byggist upp á því að leikmenn komist í endamark á spilaborði (Sem félagið veitti í rafrænu skjali fyrir alla) sem sýnir annað hvort mínus ræningja eða plús ræningja. Æfingin reynir á talnaskilning barna sem og stærðfræðihugtökin plús og mínus. Fyrir elsta stig grunnskóla gaf Flötur út verkefni sem kennarar geta nýtt í kennslu sína. Verkefnið kallast líkindi eru yndi. Með því er leitast við að fá nemendur til þess að vinna með líkindafræði í raun. Þá eru nemendum skipt upp í hópa. Hver hópur fær tening og krónu. Með teningnum og krónunni eru þau beðin um að finna út líkur á allskyns atvikum í raun. Sem dæmi er hverjar eru líkur þess að fá fimm þegar teningi er kastað. Þá kanna nemendur svarið með því að kasta teningi og skrá niðurstöður sínar á skipulagðan hátt. [2]
Tilvísanir[breyta | breyta frumkóða]
- ↑ „Stærðfræðitorg (e.d.). Dagur stærðfræðinnar – 3. febrúar 2017. Sótt 2. febrúar af: http://staetorg.menntamidja.is/2017/01/24/dagur-staerdfraedinnar-3-februar-2017-verkefni/“. Afrit af upprunalegu geymt þann 17. apríl 2021. Sótt 4. febrúar 2017.
- ↑ Flötur samtök stærðfræðikennara (e.d.). Verkefni - dagur stærðfræðinnar 3. febrúar 2017. Sótt 2. febrúar 2017 af http://ki.is/flotur/frettir/27-verkefni-dagur-st%C3%A6r%C3%B0fr%C3%A6%C3%B0innar-3-febr%C3%BAar-2017[óvirkur tengill]