Finnur Bjarnason
Finnur Bjarnason (f. 8. nóvember 1973) er íslenskur tenórsöngvari og óperustjóri.
Finnur stundaði söngnám við Tónskóla Sigursveins og lauk þaðan burtfararprófi árið 1995.[1] Þaðan hélt hann til framhaldsnáms við Guildhall School of Music and Drama í Lundúnum og lauk þar tveimur prófum á meistarastigi: Postgraduate Diploma Vocal Training og námi í óperuflutningi (Opera Course).[2] Hann hefur sungið í óperuhúsum víða um heim og var um skeið fastráðinn söngvari hjá Komische Oper í Berlín. Þá hefur hann sungið inn á geisladiska, meðal annars heildarútgáfu á sönglögum Jóns Leifs ásamt Erni Magnússyni píanóleikara, en sú útgáfa var valin plata ársins í sígildri og samtímatónlist á Íslensku tónlistarverðlaununum 2002.[3]
Finnur var skipaður verkefnastjóri vegna stofnunar nýrrar þjóðaróperu í nóvember 2023.[4] Í janúar 2026 var tilkynnt að Finnur yrði fyrsti óperustjóri nýrrar þjóðaróperu,[2] en Logi Einarsson menningarmálaráðherra hafði lýst sig vanhæfan til að ákvarða um ráðninguna vegna fyrri starfa Finns í ráðuneytinu.[5]
Heimildir
[breyta | breyta frumkóða]- ↑ „Burtfarartónleikar í Íslensku óperunni“. Morgunblaðið. apríl 1995. Sótt janúar 2026.
- 1 2 „Finnur Bjarnason skipaður óperustjóri“. Stjórnarráðið. janúar 2026. Sótt janúar 2026.
- ↑ Helgi Jónsson (janúar 2015). „Íslensku tónlistarverðlaunin“. Glatkistan. Sótt janúar 2026.
- ↑ „Finnur Bjarnason verkefnastjóri nýrrar þjóðaróperu“. Morgunblaðið. nóvember 2023. Sótt janúar 2026.
- ↑ Andri Yrkill Valsson (janúar 2026). „Finnur skipaður fyrsti óperustjórinn“. Ruv.is. Sótt janúar 2026.