Finnbogastaðaskóli (Árneshreppur)

Finnbogastaðaskóli er skólahús og íbúðarhús sem stendur í Nátthaganesi í Trékyllisvík.

Guðmundur Þ. Guðmundsson, bóndi og kennari á Finnbogastöðum, stóð fyrir byggingu skólans. Fyrsta skólahúsið var Norskt timburhús, upprunnalega síldarstatjón við Ingólfsfjörð byggt 1917. Guðmundur hóf skólahald, 1929 eftir að hafa sinnt farkennslu í sveitinni frá 1916, en það hús entist ekki lengi, heldur brann 1933.

Í kjölfarið ákvað Guðmundur að reysa skólahús með heimavist, og er það steinhúsið sem er ennþá í notkun. Jóhannes Pétursson lét svo byggja skólastjóraíbúð árið 1952.

Þegar sem mest var byggt á svæðinu voru u.þ.b. 60 nemendur í skólanum, en 2025 eru þar tveir nemendur og einn kennari. Á síðustu 20 árum hafa nemendur verið á bilinu 2-6.

Saga skólans

Meðal þeirra marga skólastjóra sem hafa verið var hann Torfi Guðbrandsson við árin 1955-1983

Í endurminningum sínum, Strandamaður segir frá lýsir hann frá fyrsta degi sínum í skólanum, þar sem hann kemur að tveimur ungum sveitastúlkum: Öllu í Bæ, þar 21. árs og 17. ára gamalli Önnu Jónsdóttur frá Stóru-Ávík, og verður til vísa af störfum þeirra inni í eldhúsi:

Brosandi við baksturinn
byrja þær að hnoða,
því bráðum kemur kennarinn
kökurnar að skoða.

Veturin 1955 voru 32 börn við skólann, allt frá Veiðileysu og að Dröngum, þar sem þetta var og er ennþá eini skólinn í hreppinum.

Má geta að þrjú brúðkaup áttu sér stað í skólanum. Stofnandinn, Guðmundur Þ. Guðmunddson og frú Guðrún Sæmundsdóttir giftust í fyrsta skólahúsinu í desember 1929. Guðjón Magnússon og Guðmunda Jónsdóttir í nýbygginguni árið 1933, og svo loks Torfi Guðbrandsson og Aðalbjörg Albertsdóttir (Alla í Bæ) árið 1957.

Tenglar

• Facebook-síða Finnbogastaðaskóla