Fimbulfamb

Fimbulfamb

Útgefandi	Vaka-Helgafell (1984) Veröld (2010)
Virk ár	1984 - nú
Flokkar	Borðspil
Fjöldi spilara	2-6
Leiktími	60 mínútur
Aldursflokkur	12+
Svipaðir leikir
Balderdash

Fimbulfamb er íslenskt borðspil sem svipar til Balderdash og Fictionary. Tilgangur leiksins er að sannfæra hina keppenduna um að þín útskýring á sjaldgæfum eða fornum orðum í íslensku máli sé sú rétta.

Saga spilsins

Bræðurnir Kjartan Örn og Ragnar Helgi kynntu spilið Fimbulfamb fyrir fjölmiðlum árið 1993 sem alíslenskt spil sem var vissulega keimlíkt Balderdash, sem var þekkt spil í Bretlandi og kom upphaflega frá Kanada og kom fyrst á markaðinn 1984.

Vaka-Helgafell gaf út fyrstu útgáfu spilsins árið 1993,. Bræðurnir sem gerðu leikinn voru synir útgefandans Ólafs Ragnarssonar sem vann hjá Vöku-Helgafelli. Búi Kristjánsson var sá sem hannaði útlitið og myndskreytti upprunalega Fimbulfamb spilið.

Önnur útgáfa

Önnur útgáfan var gefin út af Veröld árið 2010. Það var endurhannað en spilið sjálft virkar eins. Mikil vinna fjölmargra aðila yfir tveggja ára tímabil lyggur að baki þessarar endurútgáfu spilsins, þar sem safnað var hátt í tvö þúsund orðum.

Orðaval

Orðin sem koma fram í Fimbulfamb koma víða að

• Meirihluti þeirra er fenginn úr Íslenskri orðabók
• Íslensk-danskri orðabók Sigfúsar Blöndals
• Ordbog over det gamle norske sprog eftir Johan Fritzner
• Lexicon poeticum, Slangurorðabók, Íslenskri orðsifjabók
• Skrár Íslenskrar málstöðvar og skrár Orðabókar Háskólans.
• Einnig voru orð sótt í fjölmörg fræði- og vísindarit, íðorðasöfn og skáldverk.

Leikreglur

Gangur leiksins

Spilið gengur þannig fyrir sig að sá sem er elstur byrjar að vera svokallaður „Fambi“. Hlutverk fambans er það að draga spjald úr meðfylgjandi bunka og lesa upp eitt af fjórum orðum af spjaldinu. Gert er ráð fyrir því að leikspilarar þekki ekki orðið.

1. Fambinn velur orð sem samsvarar því tákni á þeim reit sem hann er staddur á leikborðinu.
2. Hinir leikmennirnir eiga að skrifa niður á blað hvað þeir halda að rétta merkingin á orðinu er. Fambinn skrifar rétt svar á sinn miða.
3. Fambinn safnar miðunum þegar allir hafa skrifað sitt svar, enginn á að vita hver skrifaði hvaða útskýringu.
4. Fambinn stokkar miðana og les svo allar skýringarnar. Ef fleirri en einn hafa sama svarið þá er bara eitt þeirra lesið upp til að forðast endurtekningar.
5. Svo er farið hringinn og allir giska á eina skýringu. Leyfilegt er að giska á skýringu sem einhver annar giskar á.

Stigagjöf

Þegar allir leikmenn hafa giskað þá eru stigin tekin saman, og stigafjöldinn ákveður hversu mörg skref hver og einn tekur.

• Ef keppandi giskar á þína skýringu, þá færð þú 1 stig
• Ef keppandi giskaði á rétta skýringu orðsins þá fær hann 1 stig
• Ef enginn giskaði á rétta skýringu þá fær fambinn 2 stig
• Ef keppandi skrifaði rétta skýringu þá fær hann 2 stig

Sýnidæmi

Fambinn les af spjaldinu orðið „flekán“. Atli, Bragi, Cleopatra og Davíð eru hinir leikmennirnir og hver og einn skrifar það sem þeir halda að orðið þýði.

• Atli skrifar ermahnappur.
• Bragi skrifar þráðlaga þaragróður.
• Cleopatra skrifar hraðahindrun.
• Davíð skrifar ónytjungur.

Fambinn fær alla miðana og les af þeim ásamt skýringunni sem stendur aftan á miðanum. Fambinn les upphátt skýringarnar: „Flekán merkir: ónytjungur, ermahnappur, hraðahindrun, lauslát kona (rétta skýringin) eða þráðlaga þaragróður“. Svo giska keppendur á eina skýringu, hver á fætur örðum.

• Atli giskar á þráðlaga þaragróður
• Bragi giskar á lauslát kona
• Cleopatra giskar á ónytjungur
• Davíð giskar líka á þráðlaga þaragróður

Stigagjöf dæmis

• Atli fær 0 stig; hann giskaði hvorki á rétt svar og enginn giskaði á hans skýringu.
• Bragi fær 3 stig; 1 fyrir að giska á rétt og 2 því að Atli og Davíð giskuðu báðir á hans skýringu.
• Cleopatra fær 0 stig
• Davíð fær 1 stig vegna þess að Siggi giskaði á hans skýringu.

Hefði enginn giskað á rétta skýringu hefði Fambinn fengið 2 stig.

Tenglar

• Facebook síða Fimbulfambs
• Fimbulfamb á GameBoardGeek