Færsluhirðir
Færsluhirðir er fjármálastofnun sem veitir færsluhirðingu, þ.e. sér um móttöku á greiðslukortafærslum, þar á meðal debet- og kreditkortafærslum, fyrir hönd söluaðila.[1] Með aðild sinni að kortanetum eins og Visa, MasterCard, American Express, Discover, JCB, UnionPay, o.fl. gerir færsluhirðirinn söluaðila kleift að taka við greiðslum frá korthöfum með kort á þeim kortanetum sem færsluhirðirinn hefur aðild að.[2]
Færsluhirðir veitir söluaðilum færsluhirðingarþjónustu með samningi þess efnis sem að stofnar reikning í nafni söluaðilans hjá færsluhirðinum (e. merchant account). Færsluhirðir sér svo um að skiptast á fjármagni við kortaútgefendur þegar greiðsla til söluaðila eða endurgreiðsla til baka til korthafa er framkvæmd og stemmir innistæðu reikningsins miðað við þær færslur sem hafa verið framkvæmdar. Færsluhirðir gerir svo upp við söluaðila, með færslu á fjármagni af reikningi söluaðila hjá færsluhirði inn á reikning söluaðila hjá viðskiptabanka, yfirleitt með reglulegri dags og tímasetningu, en tíðni og framkvæmd uppgjörs er fullkomlega háð samningi söluaðila og færsluhirðis. Við uppgjör tíðkast að færsluhirðir dragi færslugjöld kortanetana (e. interchange fees), færslugjöld færsluhirðisins, og önnur gjöld færsluhirðisins (t.d. mánaðargjöld greiðslugáttar) frá upphæðinni sem greidd er út til söluaðilans.[3][4]
Á Íslandi
[breyta | breyta frumkóða]Nokkur fyrirtæki bjóða færsluhirðingarþjónustu á Íslandi. Öll eru þau mismunandi og veita mismunandi þjónustu þó grunnurinn sé sá sami:
| Nafn | Kortategundir | Athugasemdir |
|---|---|---|
| Rapyd | Visa, MasterCard, American Express[5] | Áður Korta og Valitor.[6] |
| Teya | Visa, MasterCard, American Express[7] | Áður Borgun.[8] |
| Færsluhirðing Landsbankans | Visa, MasterCard[9] | |
| Straumur | Visa, MasterCard, American Express, Diners Club, JCB[10][11] | Vinna í að styðja Diners Club, Discover, UnionPay, og JCB.[10] Eiginlegur færsluhirðir er hollenska félagið Adyen.[12] |
| Fjárflæði Geymt 23 desember 2025 í Wayback Machine | Visa, MasterCard[13] | Eiginlegur færsluhirðir er danska félagið Nets.[14] |
| Íslandsbanki | Visa, MasterCard, Diners Club, Discover, JCB, Union Pay[15] | Eiginlegur færsluhirðir er danska félagið Nets.[15] |
Tilvísanir
[breyta | breyta frumkóða]- ↑ „Understanding Acquirers: Corporate & Merchant Types Explained“. Investopedia (enska). Sótt 17. desember 2025.
- ↑ „Acquiring Bank“. Verifone Inc. Sótt 17. desember 2025.
- ↑ „What's an acquiring bank and why you need one - Adyen“. www.adyen.com (enska). Sótt 17. desember 2025.
- ↑ „Payment processor vs. merchant acquirer: Their differences and how they work together | Stripe“. stripe.com (bandarísk enska). Sótt 17. desember 2025.
- ↑ „Iceland | Fáðu tilboð“. Rapyd (bandarísk enska). Sótt 17. desember 2025.
- ↑ „Samruni Rapyd og Valitors“ (PDF). Samkeppniseftirlitið. Sótt 17. desember 2025.
- ↑ „Posar: Greiðslulausnir sem einfalda daglegan rekstur“. www.teya.com. Sótt 17. desember 2025.
- ↑ „SaltPay breytir um nafn og verður Teya“. www.mbl.is. Sótt 17. desember 2025.
- ↑ „Leiðbeiningar - Færsluhirðing - Greiðslur - Fyrirtæki“. Landsbankinn.is. Sótt 17. desember 2025.
- 1 2 „Supported Payment Methods | Welcome to Straumur Docs“. docs.straumur.is (enska). Sótt 17. desember 2025.
- ↑ „Algengar spurningar“. www.straumur.is. Sótt 20 apríl 2026.
- ↑ „Straumur í samstarf við Adyen í greiðslumiðlun“. www.straumur.is. Sótt 17. desember 2025.
- ↑ „Verð – Fjárflæði“ (bandarísk enska). Afrit af upprunalegu geymt þann 23. desember 2025. Sótt 17. desember 2025.
- ↑ „Fjárflæði“ (bandarísk enska). Afrit af upprunalegu geymt þann 23. desember 2025. Sótt 17. desember 2025.
- 1 2 „Færsluhirðing“. www.islandsbanki.is. Sótt 24. mars 2026.