Eygló Fanndal Sturludóttir

Eygló Fanndal Sturludóttir (f. 25. júní 2001) er íslensk lyftingakona sem keppir í ólympískum lyftingum í -71 kg flokki. Eygló varð fyrst Íslendinga til þess að verða Evrópumeistari í ólympískum lyftingum í opnum aldurflokki á Evrópumóti í Moldóvu í apríl 2025.

Áður hefur hún afrekað að vera Evrópumeistari ungmenna 23 ára og yngri árið 2022 og 2024 í -71kg flokk.

Keppnisferill

Eygló hóf keppnisferil sinn í ólympískum lyftingum árið 2018 þegar hún lyfti 54kg í snörun og 70kg í jafnhendingu á Íslandsmeistaramótinu 2018. Hún keppti á sínu fyrsta alþjóðlega móti 2019 þegar hún lyfti á Norðurlandamóti ungmenna 20 ára og yngri og endaði í 6.sæti í -76kg flokk. Hún varð norðurlandameistari unglinga 20 ára og yngri árið 2020 en örfá mótu fóru fram það ár vegna Covid-19 faraldurins.

Árið 2021 keppti hún á fyrsta stórmótinu þegar hún lyfti á Evrópumeistaramóti unglinga 20 ára og yngri, þar lyfti hún 89kg í snörun og 108kg í jafnhendingu og því samanlagt 196kg sem gaf henni 6.sæti. Hún varð einnig Íslandsmeistari í -71kg þyngdarflokki bæði fullorðinsflokki og unglingaflokki. Á smáþjóðamótinu varð hún stigahæst allra keppenda og hún keppti á sínu fyrsta Heimsmeistaramóti í fullorðinsflokki þegar hún varð í 20.sæti í -71kg flokk.

Árið 2022 varð hún aftur Íslandsmeistari í -71kg flokki. Hún keppti á fyrsta Evrópumeistaramóti í fullorðinsflokk og varð í 9.sæti með 205kg í samanlögðum árangri. Seinna um árið varð hún Evrópumeistari ungmenna í flokki 21-23 ára þegar hún lyfti 97kg í snörun, 120kg í jafnhendingu og 217kg samanlagt fyrst íslendinga. Hún keppti á Heimsmeistarmótinu sama ár og varð í 19.sæti í -71kg flokki með 213kg samanlagt.

Árið 2023 byrjaði hún árið á Íslandsmeistaratitli í -71kg flokk, hún varð í 6.sæti á Evrópumeistaramóti fullorðinna með 217kg í samanlögðum árangri. Hún keppti á tveimur úrtökumótum fyrir Ólympíuleikana í París og endaði í 7.sæti á Grand Prix I á Kúbu og 11.sæti á Grand Prix II í Katar. Á heimsmeistaramótinu 2023 endaði hún í 17.sæti í -71kg flokki með 225kg í samanlögðum árangri.

Árið 2024 byrjaði árið á Evrópumeistaramótinu þar sem Eygló endaði í 4.sæti með 230kg í samanlögðum árangri. Hún varð Íslandsmeistari í -71kg flokki. Hún varð Norðurlandameistari og stigahæst allra kvenna þegar hún lyfti 234kg samanlagt. Hún varð í 11.sæti á úrtökumóti fyrir ólympíuleikana í París, heimsbikarmótið í Phuket, Taílandi. Hún endurtók leikinn frá árinu 2022 og varð aftur Evrópumeistari ungmenna 21-23 ára og lyfti 104kg í snörun, 133kg í jafnhendingu og 237kg samanlagt. Í Desember 2024 keppti hún á Heimsmeistaramótinu í Bahrain og endaði í 4.sæti með 239kg í samanlögðum árangri, það er besti árangur íslendings á Heimsmeistaramóti í ólympískum lyftingum.

Árið 2025 hóf Eygló árið á Íslandsmeistaratitli í -71kg flokk, hún keppti þvínæst á Smáþjóðamótinu í ólympískum lyftingum og varð stigahæst allra kvenna þar. Á Evrópumeistaramótinu varð hún Evrópumeistari þegar hún lyfti 109kg í snörun og 135kg í jafnhendingu, samanlagt 244kg. Komst hún þar með í hóp örfárra íslendinga sem hafa orðið Evrópumeistarar í ólympískri keppnisgrein. Eygló gat ekki keppt á Heimsmeistaramótinu 2025 vegna meiðsla.

Eygló var valin íþróttamaður ársins fyrir árið 2025.

Árangur

Ár	Keppnisstaður	Þyngdarflokkur	Snörun (kg)				Jafnhending (kg)				Samanlagður árangur	Sæti
			1	2	3	Rank	1	2	3	Rank
Heimsmeistaramót
2021	Taskent, Úsbekistan	71kg	84	88	92	13	104	108	110	21	202	20
2022	Bogotá, Kólumbía	71kg	90	94	98	25	115	119	123	19	213	19
2023	Riyadh, Sádi-Arabía	71kg	95	99	102	16	116	120	123	21	225	17
2024	Manama, Barein	71kg	101	104	107	5	129	132	134	4	239	4
IWF World Cup - Heimsbikarmót
2024	Phuket, Taíland	71 kg	103	106	108	10	130	134	134	10	236	11
Evrópumeistaramót
2022	Tírana, Albanía	71 kg	89	89	94	10	112	116	120	5	205	9
2023	Jerevan, Armenía	71 kg	93	96	99	8	116	119	121	6	217	6
2024	Sófía, Búlgaría	71 kg	99	102	105	4	125	129	129	5	230	4
2025	Kisíná, Moldóva	71 kg	103	106	109	2	129	133	135	1	244	1