Eva Ruža Miljević

Eva Ruža Miljević (fædd 1983) er íslensk útvarpskona, sjónvarpskona, skemmtikraftur, stjörnufréttakona hjá K100, velgjörðarsendiherra SOS Barnaþorpanna á Íslandi og áhrifavaldur. Hún hefur starfað víða í fjölmiðlum og verið kynnir á nokkrum af stærstu viðburðum landsins.

Eva Ruža

Ævi og menntun

Eva Ruža er alin upp á Íslandi og á króatískar rætur, en móðir hennar er íslensk og faðir frá Króatíu. Hún lauk stúdentsprófi frá Menntaskólanum í Kópavogi (MK), en Eva er fædd og uppalin í vesturbæ Kópavogs.

Eva Ruža á sviði Söngvakeppninnar 2024

Útvarpsferill

Eva hefur starfað hjá útvarpsstöðinni K100, frá árinu 2018 þar sem hún flytur daglega stjörnupistla. Eva stýrir einnig skemmtiþættinum *Bráðavaktin* alla laugardaga á K100 ásamt Hjálmari Erni Jóhannssyni vini sínum, en Bráðavaktin fór fyrst í loftið árið 2023. Eva hefur tekið viðtöl fyrir K100 við meðlimi hljómsveitarinna Backstreet Boys, þá A.J. McLean og Brian Littrell.

Eva Ruža tekur viðtal við Backstreet Boys 2023

Sjónvarpsferill

Árið 2024 stýrði Eva Ruža þættinum *Alla leið* á RÚV, sem fjallar um Eurovision, keppnina sjálfa og löndin sem taka þátt. Hún hefur einnig verið þáttastjórnandi í *Mannlífi* á Sjónvarpi Símans. Auk þess tók hún þátt í heimildarþættinum *Eva Ruza í Króatíu*, sem sýndur var á RÚV. Þar fór hún ásamt systrum sínum, Dubrövku Laufey og Tinnu, til Króatíu til að heimsækja styrktarbörn þeirra í SOS Barnaþorpum og fjallaði jafnframt um sögu Balkanskagastríðsins og áhrif þess á samfélagið.

Eva Ruža stýrði Alla Leið 2024

Viðburðir

Eva er vinsæl í viðburðaheiminum á Íslandi og hefur verið í áratug. Hún hefur meðal annars:

• Stýrt keppninni *Ungfrú Ísland* frá árinu 2015
• Verið kynnir á *Color Run* frá upphafi, og mörgum öðrum stórum viðburðum.
• Kynnir á tónleikum, gala- og fyrirtækjaviðburðum.

Hún skemmtir oft með vini sínum og samstarfsfélaga, Hjálmari Erni Jóhannssyni, bæði í útvarpsþættinum Bráðavaktin á K100 og á viðburðum.

Eva Ruža kynnir á Ungfrú Ísland 2025

Velgjörðastarf

Eva Ruža er velgjörðarsendiherra **SOS Barnaþorpanna á Íslandi** og tók við stöðunni í desember 2023. Hún hefur lagt áherslu á að vekja athygli á starfi samtakanna og styðja þau með fjölbreyttu starfi.

Velgjörðarsendiherrar SOS barnaþorpanna á Íslandi. Eliza Reid, Hera Björk, Eva Ruža og Rúrik Gíslason

Samfélagsmiðlar og ímynd

Eva er virk á samfélagsmiðlum, einkum á Instagram undir notendanafninu [@evaruza](https://www.instagram.com/evaruza). Hún deilir efni úr starfi, verkefnum, viðburðum og persónulegu lífi. Hún er þekkt fyrir húmor, jákvæða orku og persónulega tengingu við áhorfendur og hlustendur.

Hún hefur unnið að margvíslegum verkefnum varðandi auglýsingagerð fyrir hin ýmsu stórfyrirtæki og vinnur þá oft með systur sinni Tinnu Miljević.

Vinirnir Eva Ruža og Hjálmar Örn

Persónulegt líf

Eva Ruža er gift Sigurði Þór Þórssyni og þau hafa verið saman síðan árið 2000. Þau eiga tvíbura, Marinu Mist og Stanko Blæ, fædd árið 2009.

Heimildir

• K100 / mbl.is – „Eva Ruza og Hjálmar Örn með nýjan þátt“
• RÚV – *Alla leið*
• Mannlíf – þáttur
• RÚV – *Eva Ruza í Króatíu*
• RÚV – frétt um þáttinn
• DV – „Eva Ruža og Hjálmar Örn vinir og samstarfsmenn“ (2023)
• Facebook – kynning á Íslensku vefverðlaununum 2020
• SOS.is – tilkynning um velgjörðarsendiherra
• mbl.is – frétt um sömu tilnefningu