Erlendur Jónsson (f. 1929)

Úr Wikipediu, frjálsa alfræðiritinu
Erlendur Jónsson
Erlendur Jónsson

Erlendur Jónsson (8. apríl 1929 - 17. júlí 2023) var íslenskur rithöfundur og ljóðskáld og fyrrverandi gagnrýnandi og kennari.

Ævi[breyta | breyta frumkóða]

Hann fæddist 8. apríl 1929 á Geithóli í Staðarhreppi, Vestur-Húnavatnssýslu. Foreldrar hans voru Jón Ásmundsson, bóndi og organisti og Stefanía Guðmundsdóttir (1895 – 1973), ljósmóðir. Systkini hans sammæðra voru Ingibjörg (f. 1919), Salómon (f. 1921) og Hulda (f. 1922).

Erlendur gekk menntaveginn, tók stúdentspróf frá Menntaskólanum á Akureyri og hóf að því loknu náms við Háskóla Íslands í íslensku og sagnfræði. Síðan í uppeldis- og kennslufræði og lauk því námi 1953. Þá nam hann enskar og amerískar samtímabókmenntir við Háskólann í Bristol í Englandi 1965 – 1966.

Erlendur vann við skrifstofustörf í franska sendiráðinu 1953 – 1955. Hann starfaði síðan við kennslu í gagnfræðaskóla og síðar við Iðnskólann í Reykjavík frá árinu 1955 – 1999. Einnig starfaði hann sem bókmenntagagnrýnandi við Morgunblaðið frá árinu 1963. Frá árinu 1966 starfaði hann að ýmsum félagsmálum. Þá flutti hann fyrirlestra um afmarkað bókmenntaefni við heimspekideild Háskóla Íslands á árunum 1968 – 1975. Árið 1987 hlaut Erlendur 4. verðlaun í leikritasamkeppni Ríkisútvarpsins, fyrir leikrit sitt Minningar úr Skuggahverfi. Erlendur var kvæntur Mörtu Ágústsdóttur en hún fæddist 29. júní 1928 í Vestmannaeyjum.

Verk[breyta | breyta frumkóða]

Ritverk[breyta | breyta frumkóða]

  • 1960 Íslensk bókmenntasaga 1550 - 1950
  • 1967 Skuggar á torgi, ljóð
  • 1971 Íslensk skáldsagnaritun 1940 - 1970, fræðirit
  • 1974 Ljóðleit
  • 1978 Fyrir stríð, ljóð
  • 1982 Heitu árin, ljóð
  • 1984 Laufið grænt, skáldsaga
  • 1987 Farseðlar til Argentínu, skáldsaga
  • 1989 Borgarmúr, ljóð
  • 1990 Endurfundir, skáldsaga
  • 1993 Svipmót og manngerð, fræðirit
  • 1999 Vatnaspegill, ljóð
  • 2004 Svipmót og manngerð, 2. útgáfa aukin
  • 2007 Að kvöldi dags, minningarit

Leikverk[breyta | breyta frumkóða]

  • 1979 Heildsalinn, fulltrúinn og kvenmaðurinn
  • 1981 Ræsting
  • 1982 Líkræða
  • 1987 Minningar úr Skuggahverfi

Umsjón með útgáfum[breyta | breyta frumkóða]

  • 1972 Trúarleg ljóð ungra skálda, ásamt Jóhanni Hjálmarssyni
  • 1981 Ströndin blá, eftir Kristmann Guðmundsson

Greinar um íslenskar bókmenntir hafa birst í eftirtöldum ritum[breyta | breyta frumkóða]

  • 1972 Moderne Weltliteratur, Stuttgart
  • 1972 World Literature Since 1945, New York, London
  • 1977 Literatura mundial moderna, Madrid
  • 1986 The Nordic Mind, New York, London

Heimildir[breyta | breyta frumkóða]