Elsa Beskow

Elsa Beskow (11. febrúar 1874 - 30. júní 1953) var sænskur barnabókahöfundur, teiknari og myndlistarmaður. Elsa var elst af fimm systrum og átti einn eldri bróðir. Faðir hennar lést þegar hún var 15 ára og flutti móðir hennar þá með dæturnar fimm til þriggja ógifta syskina sinna. Þessi móðursyskini Elsu eru talin fyrirmyndir að persónum í barnabókum hennar Tant Grön, tant Brun, tant Gredelin och farbror Blå. Ein þeirra bóka sem hefur komið út á íslensku með titlinum Grænalín, Brúnalín og Bláalín þýdd af Vilborgu Dagbjartsdóttur.

Elsa stundaði nám í Stokkhólmi í gagnfræðaskólanum Whitlockska samskolan og síðar myndlistarnám í Tekniska skolan (nú Konstfack). Fyrsta verkefnið sem teiknari fékk hún í tengslum við jólatímarit sænska kennarasambandsins. Elsa trúlofaðist um svipað leyti Natanael Beskow sem var guðfræðingur og upprennandi listamaður. Þau giftust og bjuggu í Djursholm í húsinu Villa Ekeliden. Það hús hafði verið heimili rithöfundarins Viktors Rydberg en þegar hann dó 1895 var húsið gefið til Beskow hjónanna. Þau eignuðust sex syni. Maður Elsu var prestur við eigin söfnuð og síðar rektor Djurholms samskola. Fyrsta bók Elsu kom út árið 1897 en það var myndskreytt ævintýri Sagan om den lilla, lilla gumman. Nálægt 40 verk hafa komið út eftir Elsu. Fyrsta verkið sem varð vinsælt var myndskreytt kvæði Puttes äventyr i blåbärsskogen sem fjallar um Putte litla sem vill gefa mömmu sinni afmælisgjöf og fær hjálp frá Bláberjakóngnum og aðstoðarsveinum hans við að tína ber. Önnur verk eru m.a. Olles skidfärd (1907) Tomtebobarnen (1910), Hattstugan (1930) og ritröð með fimm bókum sem byrjaði árið 1918 um Tant Grön, tant Brun og tant Gredelin og endaði árið 1947 með Petters och Lottas jul.

Elsa Beskow-verðlaunin eru listaverðlaun veitt af félagi sænskra bókasafnsfræðinga þeim myndskreytara barnabóka sem þykir standa upp úr á ári hverju.

Tenglar

Olles skidfärd(myndskreytt bók á sænsku um skíðaferð eftir Elsu Beskow
Resan till landet Längesenmyndskreytt bók á sænsku eftir Elsu Beskow