Elliðaárlögin

Úr Wikipediu, frjálsa alfræðiritinu

Elliðaárlögin eru setlög sem innihalda jökulurð, sjávarset og landset og liggja ofan á leifum Viðeyjareldstöðvar og undir grágrýtinu í Reykjavík. Þau eru talin 200 - 400 þúsund ára gömul. Neðantil eru Elliðalögin sjávarset úr leirsteini með fornskeljum. Ofan á sjávarsetinu eru ýmis konar strandmyndanir og jökulberg. Efst er þurrlendisset og í því er sums staðar samanpressaður mór sem er orðinn eins konar surtarbrandur.

Elliðaárlögin ná frá Brimnesi yfir á Álftanes. [1]

Þau eru misþykk og þau eru þykkust þar sem þau hafa hlaðist upp undir sjávarmáli. Við Háubakka hjá Súðarvogi sjást þessi lög vel. Neðsta lagið er jökulborið set, fyrir ofan það er sjávarset. Þar hafa fundist skeljar eins og halloka, kúfskel, krókskel og gljáhnytla en sam konar skeljar lifa þar við ströndina í dag. Þetta sjávarset er um 300 þúsund ár frá Cromer hlýskeiði. Ofan á það er að finna annað lag af jökulbornu seti sem talið er um 250 þúsund ára gamalt. Efst er svo samanþjappaður mór eða surtarbrandur á milli tveggja grágrýtislaga. Þessi surtarbrandur er talinn vera um 200 þúsund ára gamall og frá Elster hlýskeiði. Í honum eru leifar ýmissa plantna sem uxu á því skeiði.[2]

Tilvísanir[breyta | breyta frumkóða]

  1. Árni Hjartarsson, Jarðgöng á Höfuðborgarsvæði, 2005
  2. Freyr Pálsson, Jarðfræði Reykjavíkursvæðisins, 2005 (nemendaritgerð HÍ)[óvirkur tengill]
  Þessi Íslandsgrein sem tengist jarðfræði er stubbur. Þú getur hjálpað til með því að bæta við greinina.