Ellen Kristjánsdóttir

Úr Wikipediu, frjálsa alfræðiritinu

Ellen Rósalind Kristjánsdóttir (f. 8. maí 1959) er íslensk söngkona.

Ellen fæddist í San Francisco í Kaliforninu í Bandaríkjunum og þar ólst hún upp fyrstu sex árin.[1] Foreldrar hennar voru Kristján Ingi Einarsson (1922-1977) byggingatæknifræðingur og myndlistamaður og Sigríður Ágústa Söebech (1922-2003) bankastarfsmaður.[2] Maki Ellenar er Eyþór Gunnarsson tónlistarmaður og eiga þau fjögur börn.

Ellen hóf söngferil sinn í hljómsveitinni Tivolí sem hún stofnaði ásamt Friðriki Karlssyni. Hún hélt til Bandaríkjanna þegar hún var 17 ára gömul og dvaldist þar í nokkur ár. Þegar hún fluttist aftur til Íslands hóf hún að syngja með hljómsveitunum Mannakorn og Ljósin í bænum.[3] Síðar söng hún með Borgardætrum og hefur einnig sungið talsvert með bróður sínum, Kristjáni Kristjánssyni KK.

Eitt þekktasta lagið sem Ellen hefur sungið er When I think of angels sem bróðir hennar, tónlistarmaðurinn KK samdi um systur þeirra sem lést um aldur fram í bílslysi.

Plötur[breyta | breyta frumkóða]

  • Sálmar (2004)
  • Draumey (2009)
  • Let Me Be There (2017)

Tilvísanir[breyta | breyta frumkóða]

  1. Viktoría Hermannsdóttir, „Sakbitinn skuldari“, Dagblaðið Vísir - DV, 14. október 2011 (skoðað 20. desember 2020)
  2. „KK - ljúfi snillingurinn“, Morgunblaðið, 26. mars 2016 (skoðað 20. desember 2020)
  3. Júlía Margrét Einarsdóttir, „Pabbi flutti til Vietnam og hvarf“, Ruv.is (skoðað 20. desember 2020)