Elgin Baylor
.jpg) Baylor með Los Angeles Lakers árið 1969 | |
| Persónulegar upplýsingar | |
|---|---|
| Fæðingardagur | 16. september 1934 Washington, D.C.,Bandaríkin |
| Dánardagur | 22. mars 2021 (86 ára) Los Angeles, Kalifornía, Bandaríkin |
| Hæð | 196 cm (6 ft 5 in) |
| Þyngd | 102 kg (225 lb) |
| Körfuboltaferill | |
| Háskólalið |
|
| Nýliðaval NBA | 1958: 1. umferð, 1. valréttur |
| Valin af Minneapolis Lakers | |
| Ár í mfl. | 1958–1971 |
| Leikstaða | Framherji |
| Númer | 22 |
| Þjálfaraferill | 1974–1979 |
| Liðsferill | |
| Sem leikmaður: | |
| 1958–1971 | Minneapolis / Los Angeles Lakers |
| Sem þjálfari: | |
| 1974–1976 | New Orleans Jazz (aðstoðarþj.) |
| 1974 | New Orleans Jazz (tímab.) |
| 1976–1979 | New Orleans Jazz |
| Heildar tölfræði í | |
| Stig | 23.149 (27,4) |
| Fráköst | 11.463 (13,5) |
| Stoðsendingar | 3.650 (4,3) |
| Tölfræði á NBA.com | |
| Tölfræði á Basketball Reference | |
| Naismith heiðurshöllin sem leikmaður | |
Elgin Gay Baylor (16. september 1934 – 22. mars 2021) var bandarískur körfuknattleiksmaður, þjálfari og stjórnandi. Hann er almennt talinn einn fremsti körfuknattleiksmaður sinnar kynslóðar og lék allan sinn feril í NBA-deildinni með Minneapolis/Los Angeles Lakers.
Baylor fæddist í Washington, D.C. og lék háskólakörfuknattleik með Idaho háskólanum og seinna Seattle háskóla. Árið 1958 valdi Minneapolis Lakers hann með fyrsta valrétti í nýliðavali NBA. Hann vakti þegar mikla athygli fyrir leik sinn og var valinn nýliði ársins í NBA árið 1959.[1]
Baylor var þekktur fyrir fjölhæfan og kraftmikinn leikstíl og var meðal fyrstu stórstjarna NBA sem nýttu stökkkraft og leikni í loftinu sem stóran hluta sóknarleiks síns. Hann var ellefu sinnum valinn í Stjörnulið NBA og tíu sinnum í fyrsta úrvalslið deildarinnar. Á ferlinum skoraði hann að meðaltali 27,4 stig og tók 13,5 fráköst í leik.[2]
Meðal eftirminnilegustu afreka Baylor var 71 stigs leikur hans gegn New York Knicks árið 1960. Hann skoraði einnig 61 stig í einum leik í úrslitaeinvígi NBA árið 1962, sem enn er met yfir flest stig einstaklings í einum úrslitaleik NBA.[3]
Baylor lauk leikmannaferlinum árið 1971 og starfaði síðar sem þjálfari New Orleans Jazz og lengi sem stjórnandi Los Angeles Clippers, eða 22 ár. Hann var valinn stjórnandi ársins í NBA árið 2006. Hann var tekinn inn í Naismith heiðurshöllina árið 1977 og var síðar valinn í 50 ára og 75 ára afmælislið NBA. Baylor lést 22. mars 2021, 86 ára að aldri.[1]
Tilvísanir
[breyta | breyta frumkóða]- 1 2 „Elgin Baylor | Biography, Stats, & Facts | Britannica“. www.britannica.com (enska). 15 ágúst 2026. Sótt 6. september 2026.
- ↑ „Lakers Star Elgin Baylor Dies at Age 86“. Associated Press (bandarísk enska). Wall Street Journal. 22. mars 2021. ISSN 0099-9660. Sótt 6. september 2026.
- ↑ Larry Schwartz. „Before Michael, there was Elgin“. www.espn.com. Sótt 6. september 2026.