Eimreiðarhópurinn

Eimreiðarhópurinn var hópur karla kenndur við tímaritið Eimreiðina sem boðaði hugmyndir frjálshyggju á Íslandi á áttunda áratugnum. Margir meðlimir hópsins urðu seinna meir áhrifamiklir í íslensku þjóðlífi og sem dæmi um það má nefna að þrír meðlimir hópsins, Þorsteinn Pálsson, Davíð Oddsson og Geir H. Haarde urðu seinna formenn Sjálfstæðisflokksins og forsætisráðherrar Íslands. Um leið voru þau áhrif sem hópurinn hafði mjög umdeild, einkum eftir að bankahrunið 2008 skall á, þegar sumir töldu að baráttumál hópsins hefðu átt sinn þátt í að valda hruninu.

Meðal meðlima hópsins voru:

• Baldur Guðlaugsson (seinna ráðuneytisstjóri fjármálaráðuneytisins)
• Brynjólfur Bjarnason (seinna forstjóri Almenna bókafélagsins, framkvæmdastjóri Granda og forstjóri Landssíma Íslands)
• Davíð Oddsson (seinna borgarstjóri Reykjavíkur, forsætisráðherra Íslands , Seðlabankastjóri og ritstjóri Morgunblaðsins)
• Geir H. Haarde (seinna forsætisráðherra Íslands)
• Gunnlaugur Claessen (seinna hæstaréttardómari)
• Hannes Hólmsteinn Gissurarson (seinna stjórnmálafræðingur)
• Hrafn Gunnlaugsson (seinna kvikmyndagerðamaður)
• Jón Óttar Ragnarsson (sonur Ragnars í Smára)
• Jón Steinar Gunnlaugsson (seinna hæstaréttardómari)
• Kjartan Gunnarsson (seinna framkvæmdastjóri Sjálfstæðisflokksins)
• Magnús Gunnarsson (framkvæmdastjóri Hafskipa og seinna framkvæmdastjóri Arnarflugs)
• Vilhjálmur Þ. Vilhjálmsson (seinna borgarstjóri Reykjavíkur)
• Þorsteinn Pálsson (seinna ritstjóri Vísis, forsætisráðherra Íslands og ritstjóri Fréttablaðsins)
• Þór Whitehead (sagnfræðingur)
• Þráinn Eggertsson (hagfræðingur)