Eggert Ólafur Eggertsson Briem

Eggert Ólafur Eggertsson Briem (25. júlí 1867 – 7. júlí 1936) var íslenskur lögfræðingur og Hæstaréttardómari.

Eggert fæddist á Hjaltastöðum í Skagafirði þann 25. júlí 1867. Hann lauk stúdentsprófi frá Lærða skólanum 1887 og embættisprófi frá lagadeild Kaupmannahafnarháskóla árið 1893. Eggert var málaflutningsmaður við Landsyfirréttinn frá 1893-1896. Í kjölfarið var hann sýslumaður Skagfirðinga og síðar skrifstofustjóri í Stjórnarráðinu. Frá 1915 var hann annar yfirdómari og dómsmálaritari við Landsyfirréttinn. Árið 1919 var hann skipaður Hæstaréttardómari og sinnti því embætti til ársins 1935.