Dorothy E. Smith
Dorothy Edith Smith (6. júlí 1926 – 3. júní 2022) var bresk-kanadískur félagsfræðingur sem er þekktust sem upphafskona sjónarmiðsfemínisma (e: standpoint feminism) og etnógrafíu félagslegra tengsla (e: institutional ethnography). Kenningar hennar hafa notið mikilla vinsælda í kynjafræði, sálfræði og menntavísindum. Smith fékkst líka við rannsóknir á sviði fjölskyldufélagsfræði, félagsfræði þekkingar og aðferðafræði. Smith lærði mannfræði við London School of Economics og lauk síðan doktorsprófi í félagsfræði við Kaliforníuháskóla í Berkeley árið 1963. Hún kenndi félagsfræði við skólann, en flutti svo til Kanada þar sem hún fékk stöðu við Háskóla Bresku Kólumbíu í Vancouver. Seinna flutti hún til Ontario þar sem hún starfaði við Menntavísindastofnun Ontario fram að starfslokum. Eftir það varð hún aðjúnkt við Victoria-háskóla í Bresku Kólumbíu þar sem hún þróaði kenningu sína um etnógrafíu félagslegra tengsla.[1]
Smith þróaði kenningu sína um sjónarmið á 7. áratugnum. Samkvæmt kenningunni er ríkjandi sjónarmið samfélagsins karllægt. Þar sem það samræmist ekki reynslu kvenna (og annarra minnihlutahópa) þróa þær með sér klofna vitund sem annars vegar miðast við þeirra eigin reynslu og hins vegar við ríkjandi sjónarmið.[1] Smith leit svo á að rannsóknir ættu að hefjast á sjónarmiði rannsakandans sjálfs og að spyrja spurninga út frá sjónarmiði kvenna gæfi nýja innsýn í stofnanir samfélagsins. Mörgum árum síðar þróaði hún etnógrafíu félagslegra tengsla sem aðferðafræði til að rannsaka tengsl sem samhæfa athafnir fólks innan stofnana.[2][3] Smith lagði áherslu á það hvernig valdatengsl og stéttamunur birtast í daglegum athöfnum.[4]
Tilvísanir
[breyta | breyta frumkóða]- 1 2 Appelrouth, S; Edles, L.D (2020). Classical and contemporary sociological theory: Text and readings. Sage Publications.: 560–566
- ↑ Trenerry, Ruth (2011). „A Portfolio of Research Career-work: An Institutional Ethnography exploring women's 'career' activity in the paid workplace“. School of Education Division of Education, Arts and Social Sciences University of South Australia. Sótt 5 janúar 2018.[óvirkur tengill]
- ↑ Walby, Kevin (29 júní 2016). „On the Social Relations of Research“. Qualitative Inquiry. 13 (7): 1008–1030. doi:10.1177/1077800407305809. S2CID 143598915.
- ↑ Grahame, Peter R. (október 1998). „Ethnography, Institutions, and the Problematic of the Everyday World“. Human Studies (enska). 21 (4): 347–360. doi:10.1023/A:1005469127008. ISSN 0163-8548. S2CID 144243329.
