Ditlev Thomsen

Úr Wikipediu, frjálsa alfræðiritinu

Ditlev (skírður Dethlef) Thomsen (1805-1857) eldri var kaupmaður í Reykjavík. Hann fæddist 25. nóvember 1805 í Bov á Suður-Jótlandi og fluttist 1826 til Íslands. Hann var fyrst verslunarstjóri á vegum Flensborgar-kaupmenns í Keflavík. Hann hlaut borgararéttindi í Reykjavík sem verslunarstjóri 15. október 1829 en borgarabréf sem kaupmaður 29. júlí 1837. Ditlev Thomsen byrjaði með verslun í Sívertsenshúsi við Hafnarstræti 22. Árið 1844 reisti hann verslunarhús við Lækjartorg sem síðar var stækkað. Þar voru um tíma mikil umsvif og var verslunin kölluð Thomsens-magasín. Það var seinna Hótel Hekla.

Ditlev Thomsen átti í deilum um veiðirétt í Elliðaánum, en konungur hafði selt honum þau hlunnindi árið 1853. Hann fórst með póstskipinu "Søløven" við Þrælavík vestur af Lóndröngum þann 27. nóvember 1857 [1].

Tengt efni[breyta | breyta frumkóða]

Heimild[breyta | breyta frumkóða]

Tilvísanir[breyta | breyta frumkóða]

  1. Íslenski ferðavefurinn Nat.is