Devine Defilement

Devine Defilement
Uppruni	Reykjavík
Ár	2016-Í dag
Stefnur	Dauðarokk, Dauðamálmur, Slam, Death Core
Útgáfufyrirtæki	Bleeding Music Records Gastly Music Rising Nemesis Records Time To Kill Records
Meðlimir	Stefán Friðriksson Ingólfur Ólafsson Arek Alejnikow Sigurjón Óli Gunnarsson Guðmundur Hermann Freyr Hreinsson
Fyrri meðlimir	Árni Hoffritz Hermann Hoffritz Snorri Björnsson Jón Haukur Pétursson

Devine Defilement er íslensk dauðarokkshljómsveit sem var stofnuð í Reykjavík árið 2016. Verk þeirra einkennast af stíl sem kallast á ensku "Slam" eða "Death Core" og inniheldur mjög þungar gítarfléttur og urrandi söng (e. growl)

Hljómsveitin hefur gefið út þrjár breiðskífur og þrjár stuttskífur, ásamt smáskífum, oft fjalla textar hljómsveitarinnar um mjög þungbúnar og ýktar hugmyndir eins og mannát og blóðugt ofbeldi.

Devine Defilement hefur spilað á stærstu rokk, þungarokks og dauðarokkstónlistarhátíðum sem haldnar eru á Íslandi, þar á meðal Eistnaflug, Sátan og Reykjavík Deathfest. Hljómsveitin hefur líka notið vinsælda í Evrópu og hefur túrað í Þýskalandi, Skandinavíu og Austur-Evrópu.

Útgáfur

Fyrsta verk gefið út undir Devine Defilement heitinu var stuttskífan Depravity sem var gefin út sjáfstætt þann 6. desember 2016. Stuttskífan innihélt 7 lög og er 20 mínútur og 20 sekúndur í lengd.

Árið 2018 kom út önnur stuttskífa með 2 lögum sem heitir Black Sun.

Fyrsta breiðskífa hljómsveitarinnar kom út ári seinna, þegar Obliviora kom út í apríl 2019 undir merkinu Bleeding Music Records, platan innihélt 9 lög og er 30 mínútur og 36 sekúndur í lengd, hún var gefin út á CD og vínyl og hljómsveitin gaf líka út stafræna útgáfu sjálfstætt. Þessi plata var fyrsta og eina platan sem Jón Haukur Pétursson söng á áður en Ingólfur Ólafsson tók við sem aðalsöngvari hljómsveitarinnar.

Í desember 2019 kom út önnur stuttskífa, Primitive Gospel, sem samanstendur af 4 lögum. Ásamt því tók hljómsveitin upp tónleikaplötu sem heitir Live Defilement með 7 lögum.

Á árunum 2020 til 2021 gaf hljómsveitin út fjölmargar smáskífur sem voru sameinaðar í endurútgefna útgáfu af stuttskífunni Primitive Gospel í nóvember 2021 undir útgefandanum Ghastly Music. Á henni eru 7 lög og hún er 27 mínútur og 44 sekúndur að lengd.

Í febrúar 2024 kom út önnur breiðskífan, Age of Atrocities, með 11 lögum og spilar á 33 mínútum og 32 sekúndum. Þetta var fyrsta platan sem Freyr Hreinsson og Sigurjón Óli tóku upp með hljómsveitinni og var sú síðasta sem Árni Hoffritz var meðlimur í. Platan var sú fyrsta sem var gefin út undir Time To Kill Records.

Í Maí 2025 kom út þriðja breiðskífan, Ruthless, með 12 lögum sem spila á 42 mínútum og 35 sekúndum. Hún kom út á vínyl, CD og sem stafræn plata. Þetta er fyrsta platan síðan að Guðmundur Hermann gékk í hljómsveitina.