Dýrð í dauðaþögn
| Dýrð í dauðaþögn | ||||
|---|---|---|---|---|
| Breiðskífa | ||||
| Flytjandi | Ásgeir Trausti | |||
| Gefin út | September 2012 | |||
| Tekin upp | 2012 | |||
| Stefna | Indífólk | |||
| Lengd | 39:58 | |||
| Útgefandi | Sena | |||
| Stjórn | Guðmundur Kristinn Jónsson | |||
| Tímaröð – Ásgeir Trausti | ||||
| ||||
Dýrð í dauðaþögn er fyrsta breiðskífa Ásgeirs Trausta Einarssonar. Hún var tekin upp í Hljóðrita sumarið 2012 og var upptökustjóri Guðmundur Kristinn Jónsson, meðlimur í hljómsveitinni Hjálmar. Aðrir meðlimir Hjálma aðstoðuðu við nokkur lög plötunnar; Þorsteinn Einarsson hálfbróðir Ásgeirs á gítar og bakröddum, Kristinn Snær Agnarsson á trommum og Sigurður Guðmundsson á hljómborði. Á fimm lögum plötunnar er spilað á blásturshljóðfæri, það gerðu: Samúel J. Samúelsson á básúnu, Óskar Guðjónsson á saxófón og Kjartan Hákonarson á trompet. Faðir Ásgeirs, Einar Georg Einarsson, samdi marga texta á plötunni. [1] Júlíus Aðalsteinn Róbertsson, félagi Ásgeirs, sem hefur spilað með honum á tónleikum, lagði einnig til texta í nokkrum lögum.
Platan sló sölumet á Íslandi og hefur selst í a.m.k. 40.000 eintökum. [2] Rúmu ári síðar kom út ensk útgáfa plötunnar sem hét In the Silence. John Grant hjálpaði við textagerð.
Á íslensku tónlistarverðlaununum 2013 hlaut platan verðlaun fyrir plötu ársins. [3]
Á tíu ára afmæli plötunnar kom út ábreiðuplata með ýmsum listamönnum með lögum plötunnar. [4] Platan var einnig endurútgefin 2022 á vínýl og geisladiski með 4 aukalögum. [5]
Lagalisti
[breyta | breyta frumkóða]- Hærra
- Dýrð í dauðaþögn
- Sumargestur
- Leyndarmál
- Hljóða nótt
- Nýfallið regn
- Heimförin
- Að grafa sig í fönn
- Samhljómur
- Þennan dag