Dómsdagur nú
| Dómsdagur nú | |
|---|---|
| Apocalypse Now | |
 | |
| Leikstjóri | Francis Ford Coppola |
| Handritshöfundur | John Milius Francis Ford Coppola |
| Byggt á | Innstu myrkur eftir Joseph Conrad |
| Framleiðandi | Francis Ford Coppola |
| Leikarar | Marlon Brando Robert Duvall Martin Sheen Frederic Forrest Albert Hall Sam Bottoms Larry Fishburne Dennis Hopper |
| Kvikmyndagerð | Vittorio Storaro |
| Tónlist | Carmine Coppola Francis Coppola |
| Frumsýning |  15. ágúst, 1979 |
| Lengd | 153 mín. |
| Land | Bandaríkin |
| Tungumál | Enska |
| Aldurstakmark | R  16 |
| Ráðstöfunarfé | $31.500.000[1][2][3] |
| Heildartekjur | $150 milljónir[4][5][4] |
Dómsdagur nú (enska: Apocalypse Now) er kvikmynd frá árinu 1979 í leikstjórn Francis Ford Coppola. Myndin, sem var lauslega byggð á skáldsögu Josephs Conrad, Innstu myrkur (e. Heart of Darkness), gerist í Víetnamstríðinu og segir frá leiðangri Benjamin L. Willard höfuðsmanns í bandaríska hernum í leit að Walter E. Kurtz ofursta. Til að komast að Kurtz þarf Willard að ferðast upp með ánni Nung inn í frumskóga Kambódíu. Þar hefur Kurtz tekið sér stöðu leiðtoga meðal íbúa og hegðar sér, samkvæmt lýsingum sem Willard fær á fundi áður en haldið er af stað, á ómannúðlegan hátt. Hlutverk Willards var leikið af Martin Sheen og Marlon Brando lék Kurtz ofursta. Meðal annarra leikara í myndinni má nefna Robert Duvall, Dennis Hopper og Laurence Fishburne.
Francis Ford Coppola hóf vinnu á myndinni þegar hann hafði lokið við að leikstýra hluta 2 af myndunum um Guðföðurinn. Upptaka fór fram á Filippseyjum og átti fyrst um sinn að taka 6 vikur. Framleiðslan dróst hins vegar mjög á langinn og urðu þessar 6 vikur að lokum að 16 mánuðum. Átti Coppola þá, sem fjármagnaði myndina að öllu leyti með eigin fé, á hættu að verða gjaldþrota gengi myndin ekki vel í kvikmyndahúsum. Gerð myndarinnar tók mikið á Coppola, jafnt andlega sem líkamlega. Hann missti um 50 kíló og hótaði hann nokkrum sinnum að fyrirfara sér. Árið 1991 kom út heimildarmynd um gerð Dómsdagur nú sem kallaðist Hearts of Darkness: A Filmmaker's Apocalypse.
Dómsdagur nú var tilnefnd til átta Óskarsverðlauna, meðal annars fyrir bestu mynd og besta leikstjóra, og hlaut tvenn, fyrir bestu kvikmyndatöku og besta hljóð.
Tilvísanir
[breyta | breyta frumkóða]- ↑ Harmetz, Aljean (2 febrúar 1981). „Coppola Risks All On $22 Million Movie“. The New York Times.
- ↑ Appelo, Tim (30 ágúst 2014). „Telluride: Francis Ford Coppola Spills 'Apocalypse Now' Secrets on 35th Anniversary“. The Hollywood Reporter. Afrit af uppruna á 2. september 2014. Sótt 5 ágúst 2019.
- ↑ „Apocalypse Now (1979)“. The Numbers. Sótt 27. september 2024.
- 1 2 Hinson, Hal (17 janúar 1992). „'Hearts of Darkness: A Filmmaker's Apocalypse'“. The Washington Post. Afrit af uppruna á 4 október 2020. Sótt 1 ágúst 2021.
- ↑ Doherty, Thomas (22 apríl 2024). „For Francis Ford Coppola's Go-for-Broke Movies, All Roads Lead to Cannes“. The Hollywood Reporter.