Chuck Schuldiner

Chuck Schuldiner árið 1991 í Skotlandi.

Charles Michael Schuldiner, kallaður Chuck (f. 13. maí 1967 – d. 13. desember 2001) var bandarískur tónlistarmaður sem stofnaði hljómsveitina Death sem var frumkvöðull í dauðarokki. Schuldiner var gítarleikari, söngvari og aðallagasmiður sveitarinnar sem hann stofnaði 16 ára. Gítarstíll hans var tæknilegur og melódískur. Síðar þegar hann lagði niður Death einbeitti hann sér að framsækna þungarokksbandinu Control Denied sem gaf út eina plötu ári 1999. Sama ár greindist Schuldiner með heilaæxli. Tónlistarmenn eins og Dave Grohl, Napalm Death, Ozzy Osbourne og Anthrax hjálpuðu til við að safna fyrir sjúkrakostnaði Schuldiners. Árið 2001 lést hann af sjúkdómnum.

Árið 2025 kemur út ævisaga Schuldiners, Born Human.

Tenglar

• Heimasíða