Chris Hipkins
| Chris Hipkins | |
|---|---|
.jpg) Chris Hipkins árið 2022. | |
| Forsætisráðherra Nýja-Sjálands | |
| Í embætti 25. janúar 2023 – 27. nóvember 2023 | |
| Þjóðhöfðingi | Karl 3. |
| Landstjóri | Cindy Kiro |
| Forveri | Jacinda Ardern |
| Eftirmaður | Christopher Luxon |
| Persónulegar upplýsingar | |
| Fæddur | 5. september 1978 Hutt Valley, Wellington, Nýja-Sjálandi |
| Stjórnmálaflokkur | Verkamannaflokkurinn |
| Maki | Jade Hipkins (g. 2020; sk. 2022) |
| Börn | 1 |
| Háskóli | Viktoríuháskólinn í Wellington |
| Starf | Stjórnmálamaður |
Christopher John Hipkins (f. 5. september 1978) er nýsjálenskur stjórnmálamaður, leiðtogi nýsjálenska Verkamannaflokksins og fyrrverandi forsætisráðherra Nýja-Sjálands. Hipkins tók við af Jacindu Ardern sem flokksleiðtogi og forsætisráðherra þann 25. janúar árið 2023. Hipkins hafði áður gegnt ráðherraembættum í ríkisstjórn Ardern og hafði meðal annars haft umsjón með viðbrögðum stjórnarinnar við kórónuveirufaraldrinum í landinu.
Æviágrip
[breyta | breyta frumkóða]Á hápunkti kórónuveirufaraldursins í Nýja-Sjálandi gegndi Chris Hipkins embætti farsóttaráðherra í ríkisstjórn Jacindu Ardern, en það ráðuneyti hafði verið sett á fót vegna faraldursins.[1] Hipkins varð síðar ráðherra lögreglumála, menntamála og almannaþágumála.[2]
Jacinda Ardern tilkynnti óvænt afsögn sína úr embætti forsætisráðherra og leiðtoga Verkamannaflokksins í janúar árið 2023. Hipkins bauð sig í kjölfarið fram til að taka við af henni sem flokksleiðtogi og var kjörinn án mótframboðs.[3]
Stuttu eftir að Hipkins tók við embætti forsætisráðherra fór hitabeltisstormurinn Gabríella yfir Nýja-Sjáland. Hipkins lýsti yfir neyðarástandi vegna eyðileggingarinnar í kjölfar stormsins, sem Hipkins kallaði versta óveður sem Nýsjálendingar hefðu upplifað það sem af er öldinni.[4]
Verkamannaflokkurinn tapaði þingkosningum sem haldnar voru í október 2023 og Christopher Luxon, leiðtogi Þjóðarflokksins, tók því við af Hipkins sem forsætisráðherra.[5]
Tilvísanir
[breyta | breyta frumkóða]- ↑ „Hipkins næsti forsætisráðherra Nýja-Sjálands“. mbl.is. 20. janúar 2023. Sótt 19. febrúar 2023.
- ↑ Árni Sæberg (20. janúar 2023). „Hipkins tekur við af Ardern“. Vísir. Sótt 19. febrúar 2023.
- ↑ Gunnar Reynir Valþórsson (25. janúar 2023). „Hipkins orðinn forsætisráðherra“. Vísir. Sótt 19. febrúar 2023.
- ↑ Ásgeir Tómasson (14. febrúar 2023). „Neyðarástand vegna illviðris“. RÚV. Sótt 19. febrúar 2023.
- ↑ Lovísa Arnardóttir (14. október 2023). „Hægrisveifla á Nýja-Sjáland og nýr forsætisráðherra“. Vísir. Sótt 3. febrúar 2026.
| Fyrirrennari: Jacinda Ardern |
|
Eftirmaður: Christopher Luxon | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.