Fara í innihald

Catherine Connolly

Úr Wikipediu, frjálsa alfræðiritinu
Catherine Connolly
Catherine Connolly árið 2025.
Forseti Írlands
Núverandi
Tók við embætti
11. nóvember 2025
ForsætisráðherraMicheál Martin
ForveriMichael D. Higgins
Persónulegar upplýsingar
Fædd12. júlí 1957 (1957-07-12) (68 ára)
Galway, Írlandi
StjórnmálaflokkurÓflokksbundin (frá 2006)
Verkamannaflokkurinn (til 2006)
MakiBrian McEnery (g. 1992)
Börn2
HáskóliHáskólinn í Leeds
Háskólinn í Galway
King's Inns

Catherine Martina Ann Connolly (f. 12. júlí 1957) er írsk stjórnmálakona og núverandi forseti Írlands.

Hún hefur verið þingmaður (Teachta Dála) fyrir kjördæmi í Vestur-Galway frá þingkosningunum á Írlandi árið 2016. Hún var jafnframt forseti þingnefndar um írska tungu, írskumælandi héruð og eyjarnar frá 2017 til 2020 og borgarstjóri Galway frá 2004 til 2005.[1][2]

Connolly var varaforseti írska þingsins frá júlí 2020 til nóvember 2024.

Stjórnmálaferill í Galway

[breyta | breyta frumkóða]

Connolly var kjörin í borgarstjórn Galway í fyrsta sinn í júní árið 1999 í vesturkjördæmi borgarinnar og síðan endurkjörin í austurkjördæmi hennar árið 2004.[3] Sama ár var hún kjörin borgarstjóri Galway.

Connolly sagði sig úr írska Verkamannaflokknum árið 2006, þegar henni var neitað um sæti á kosningalista flokksins með Michael D. Higgins í Vestur-Galway. Hún bauð sig sjálfstætt fram í þingkosningum Írlands árið 2007 og hlaut rúmlega 2.000 atkvæði. Systir hennar, Colette, sem er nú borgarfulltrúi í Galway,[4] var kjörin í borgarstjórn Galway í hennar stað þegar Connolly var kjörin á þing.[5]

Ferill í landsmálum

[breyta | breyta frumkóða]

Connolly bauð sig fram á þing árið 2011 í Vestur-Galway[6] en tapaði fyrir Seán Kyle, frambjóðanda Fine Gael, með aðeins 17 atkvæðum. Hún fór fram á fulla endurtalningu[7] sem lauk fjórum dögum síðar en breytti ekki niðurstöðunni.[8]

Connolly var kjörin á þing fyrir kjördæmið í Vestur-Galway í þingkosningum Írlands árið 2016. Í jómfrúarræðu sinni gagnrýndi hún umhverfis-, samfélags- og sveitarstjórnarráðherrann Alan Kelly fyrir heimilisleysiskreppu á Írlandi[9] Connolly sat í ríkisreikninganefnd þingsins og var forseti þingnefndar um um írska tungu, írskumælandi héruð og írsku eyjarnar.

Connolly var endurkjörin í þingkosningum Írlands árið 2020.[10] Hún var kjörin varaforseti írska þingsins (Leas-Cheann Comhairle) þann 23. júlí 2023 í óvæntum sigri gegn frambjóðanda Fine Gael, Fergus O'Dowd, og var fyrsta konan til að gegna því embætti.[11]

Connolly bauð sig sjálfstætt fram í forsetakosningum Írlands árið 2025. Hún naut stuðnings helstu vinstriflokka Írlands, þar á meðal Sinn Féin, Jafnaðarmannaflokksins, Verkamannaflokksins, Fólksins á undan hagnaði, Græningja og Samstöðu. Connolly vann afgerandi sigur í kosningunum þann 25. október 2025 með 64 prósentum atkvæða.[12]

Connolly er upphaflega frá Shantalla en hefur búið í Claddagh frá árinu 1988. Hún er gift og á tvö börn. Hún er lögmaður en hefur einnig starfað sem klínískur sálfræðingur í Ballinasloe, Galway og Connemara. Connolly talar írsku reiprennandi.[13]

Tilvísanir

[breyta | breyta frumkóða]
  1. ↑ „Catherine Connolly“. Oireachtas Members Database. Afrit af upprunalegu geymt þann 17 júní 2019. Sótt 13 júlí 2019.
  2. ↑ „Connolly and Pringle join I4C in April 2016“. Oireachtas Éireann/Kildarestreet. Afrit af upprunalegu geymt þann 28 apríl 2016. Sótt 21 apríl 2016.
  3. ↑ „Catherine Connolly“. ElectionsIreland.org. Afrit af upprunalegu geymt þann 28 febrúar 2011. Sótt 27 febrúar 2011.
  4. ↑ „Galway City – Your Council“. Galway City Council. Afrit af upprunalegu geymt þann 16 janúar 2021. Sótt 14 janúar 2021.
  5. ↑ „Colette Connolly – profile on WhoismyTD“. Who is my TD? (enska). Afrit af upprunalegu geymt þann 22 janúar 2021. Sótt 14 janúar 2021.
  6. ↑ „Galway West“. Election 2011. RTÉ. Afrit af upprunalegu geymt þann 28 febrúar 2011. Sótt 28 febrúar 2011.
  7. ↑ „Connolly granted full recount in Galway West“. RTÉ. 1. mars 2011. Afrit af upprunalegu geymt þann 3. mars 2011. Sótt 1. mars 2011.
  8. ↑ „FG's Kyne wins final seat in Galway“. The Irish Times. 2. mars 2011. Afrit af upprunalegu geymt þann 3. mars 2011. Sótt 2. mars 2011.
  9. ↑ „Galway TD slams Minister Alan Kelly's arrogance over housing crisis“. Connacht Tribune. 5 apríl 2016. Afrit af upprunalegu geymt þann 6 apríl 2016. Sótt 6 apríl 2016.
  10. ↑ „General Election Results 2020 for Galway West“. Raidió Teilifís Éireann. 2020. Afrit af upprunalegu geymt þann 13 febrúar 2020. Sótt 14 janúar 2021.
  11. ↑ Thomas, Cónal (23 júlí 2020). „Independent TD Catherine Connolly elected Leas Cheann Comhairle in shock defeat for Government“. TheJournal.ie. Afrit af upprunalegu geymt þann 24 júlí 2020. Sótt 23 júlí 2020.
  12. ↑ Rafn Ágúst Ragnarsson (25. október 2025). „Vinstrikonan um­deilda vann sann­færandi sigur á Ír­landi“. Vísir. Sótt 26. október 2025.
  13. ↑ „Galway can lead the State in voting for change this month“. Galway Advertiser. 11 febrúar 2016. Afrit af upprunalegu geymt þann 17. desember 2018. Sótt 17. desember 2018.


Fyrirrennari:
Michael D. Higgins
Forseti Írlands
(11. nóvember 2011 –)
 Eftirmaður:
Enn í embætti


Sótt frá „https://is.wikipedia.org/w/index.php?title=Catherine_Connolly&oldid=1935762“