Carrin Patman
| Carrin Patman | |
|---|---|
 Patman árið 2022. | |
| Sendiherra Bandaríkjanna á Íslandi | |
| Í embætti 6. október 2022 – 18. janúar 2025 | |
| Skipaður af | Joe Biden |
| Forveri | Jeffrey Ross Gunter |
| Eftirmaður | Billy Long (tilnefndur) |
| Persónulegar upplýsingar | |
| Fædd | 20. apríl 1956 |
| Þjóðerni | Bandarísk |
| Maki | James V. Derrick Jr. (g. 1997) |
| Faðir | Bill Patman |
| Háskóli | Duke-háskóli (BA) Texas-háskóli (JD) |
Carrin Foreman Patman (f. 20. apríl 1956)[1][2] er bandarískur lögmaður sem var sendiherra Bandaríkjanna á Íslandi frá 2022 til 2025. Hún var áður forstjóri Houston Metro frá 2016 til 2022.
Menntun
[breyta | breyta frumkóða]Patman útskrifaðist með BA-gráðu frá Duke-háskóla og með JD-gráðu frá lagadeild Texas-háskóla árið 1982.[3][4]
Starfsferill
[breyta | breyta frumkóða]Patman hefur unnið ýmis störf á borgaralegum vettvangi, meðal annars sem fulltrúi hjá deild International Women's Forum í Houston, í framkvæmdastjórn viðskiptaráðsins Greater Houston Partnership og í samgönguráði Houston-Galveston-stórborgarsvæðisins. Patman var stofnmeðlimur samtakanna Center for Women in Law og meðlimur í framkvæmdastjórn Girls, Inc. of Greater Houston og Sheltering Arms Senior Services.[3]
Patman er meðeigandi á lögmannsstofunni Bracewell LLP, þar sem hún sérhæfir sig í hópmálsóknum, viðskiptalögum, samkeppnisrétti, umhverfisspjöllum og fylgni með reglugerðum.[5] Hún sat í framkvæmdastjórn neðanjarðarlestarfélagsins Houston Metro frá 2010 til 2022 og var skipuð forstjóri þess af Sylvester Turner borgarstjóra árið 2016.[6][7][8] Patman var mikilvægur styrktaraðili í forsetaframboði Hillary Clinton árið 2016 og Joe Biden árið 2020.[9][10]
Sendiherra á Íslandi
[breyta | breyta frumkóða]Þann 11. febrúar 2022 tilnefndi Joe Biden forseti Patman í embætti sendiherra Bandaríkjanna á Íslandi.[3] Utanríkismálanefnd öldungadeildar Bandaríkjaþings tók tilnefningu hennar til umfjöllunar 28. júlí 2022. Öldungadeildin staðfesti tilnefningu hennar með munnlegri atkvæðagreiðslu þann 7. ágúst 2022.[11] Patman afhenti Guðna Th. Jóhannessyni forseta trúnaðarbréf sitt þann 6. október 2022.[12]
Einkahagir
[breyta | breyta frumkóða]Faðir Patmans, Bill Patman, var þingmaður á öldungadeild ríkisþings Texas og á fulltrúadeild Bandaríkjaþings.[2] Föðurafi hennar, Wright Patman, var einnig fulltrúadeildarþingmaður og móðurafi hennar, Fred Mauritz, var þingmaður á öldungadeild ríkisþings Texas.[13][1]
Árið 1997 giftist Carrin Patman James V. Derrick Jr., fyrrum varaforstjóra og aðallögfræðingi hjá Enron.[14][2]
Tilvísanir
[breyta | breyta frumkóða]- 1 2 „Extensions of Remarks“ (PDF). Congressional Record. 29 júní 1973. bls. 22443. „...Miss Carrin Foreman Patman, is the granddaughter of the dean of the House, WRIGHT PATMAN.“
- 1 2 3 „Carrin Mauritz Patman Obituary (1932 - 2018) Houston Chronicle“. Legacy.com. Sótt 11 febrúar 2022.
- 1 2 3 „President Biden Announces 2 Diplomatic Nominees“. The White House (bandarísk enska). 11 febrúar 2022. Afrit af uppruna á 11 febrúar 2022. Sótt 11 febrúar 2022.
- ↑ „Most Distinguished: UT Law school honoring Longoria“. AP NEWS (enska). 21 janúar 2022. Sótt 11 febrúar 2022.
- ↑ „Center for Women in Law | Carrin F. Patman“. law.utexas.edu. Sótt 11 febrúar 2022.
- ↑ METRO,webmaster@ridemetro.org. „Carrin F. Patman, Chair METRO Board of Directors“. www.ridemetro.org (bandarísk enska). Afrit af uppruna á 11 febrúar 2022. Sótt 11 febrúar 2022.
- ↑ „New Houston Metro Board Chair and Members Take Oath“. www.masstransitmag.com. 8 apríl 2016. Sótt 11 febrúar 2022.
- ↑ „New Board Chair, Familiar Face Takes Helm at METRO“. Metro Transit Authority of Harris County. 24 febrúar 2022. Sótt 15 október 2022.
- ↑ Swartz 5, Mimi (11 febrúar 2021). „There's One Thing Missing in the Biden Administration: Texans“. Texas Monthly (enska). Afrit af uppruna á 18. mars 2021. Sótt 11 febrúar 2022.
- ↑ Svitek, Patrick (7 október 2015). „Texas Democrats: Little Opening for Biden Presidential Bid“. The Texas Tribune (enska). Afrit af uppruna á 10 október 2015. Sótt 11 febrúar 2022.
- ↑ „PN1779 — Carrin F. Patman — Department of State 117th Congress (2021-2022)“. US Congress. Sótt 26. mars 2022.
- ↑ Jóhannesson, Guðni Thorlacius [@PresidentISL] (6 október 2022). „Today H.E. Carrin Patman presented her credentials as the new US Ambassador to Iceland“ (X). Sótt 15 október 2022 – gegnum X.
- ↑ „Carrin Patman '82 Appointed Ambassador of Iceland“. University of Texas at Austin School of Law. 11 ágúst 2022. Sótt 1 apríl 2025. „My dad, Bill Patman, and my paternal grandfather, Wright Patman, both served in the United States House of Representatives. My maternal grandfather, Fred Mauritz, whose parents immigrated from Iceland's fellow Arctic country, Sweden, was a Texas State Senator.“
- ↑ „James V. Derrick, Jr“. University of Texas Law School Foundation (bandarísk enska). Afrit af uppruna á 11 febrúar 2022. Sótt 11 febrúar 2022.