Bylturokk

Úr Wikipediu, frjálsa alfræðiritinu
Stökkva á: flakk, leita
Testament er thrashmetal sveit frá Kaliforníu.
Slayer árið 2007.

Bylturokk (e. thrash metal) er tónlistarstefna og ein undirgrein þungarokksins. Bylturokk einkennist af mjög hröðum takti og hörku. Textarnir einkennast oftar en ekki af félagslegri ádeilu og andúð á nútíma ríkisvaldi og þykja þeir beinskeyttir. Sögulega séð eru stærstu bylturokkhljómsveitirnar Metallica, Megadeth, Anthrax og Slayer vegna áhrifa þeirra á stefnuna á 9. áratug 20. aldar.

Tónlistarstefnan þróaðist í byrjun 9. áratugarins og var undir áhrifum meðal annars frá hardcore pönki og bresku nýbylgjuþungarokki(Judas Priest, Iron Maiden, Motörhead o.fl.).[1] Öflugar tónlistarsenur mynduðust á austurströnd og vesturströnd Bandaríkjanna en einnig í löndum eins og Þýskalandi og Brasilíu.

Einn hápunkta senunnar er talinn vera The Clash of the Titans tónleikatúrinn (1990–1991), þar sem Megadeth, Slayer og Anthrax spiluðu saman. Tuttugu árum seinna komu þessar hljómsveitir aftur saman ásamt Metallica og fóru á tónleikaferðalag sem The Big Four. Stefnan fór í hálfgerðan dvala eftir 1991 en í upphafi árþúsundsins 2000 fór tónlistarstefnan að rísa úr dvala; nýjar hljómsveitir komu fram og gamlar hljómsveitir sóttu að endurvekja fyrri stíl. Undirstefnur urðu til eins og dauðabylturokk (deaththrash).

Bylturokk hafði aftur á móti síðan áhrif á dauðarokk og drungarokk(black metal).

Listi yfir hljómveitir sem hafa spilað bylturokk[breyta | breyta frumkóða]


Tilvísanir[breyta | breyta frumkóða]

  Þessi tónlistargrein er stubbur. Þú getur hjálpað til með því að bæta við greinina.
  1. Thrash metal Allmusic, skoðað 23. september, 2016.