Byltingarnar 1848
Byltingarnar 1848, byltingarárið 1848 eða þjóðavorið (þýska: Völkerfrühling) voru röð byltinga í Evrópu frá janúar til október árið 1848. Þessar byltingar voru ólíkar og markmið þeirra mismunandi, en almennt sóttust þátttakendur eftir afnámi einveldis og lénsveldis, og vildu þess í stað þjóðríki byggð á stjórnarskrá og fullveldi alþýðu.
Fyrsta byltingin þetta ár var uppreisnin á Sikiley 1848. Febrúarbyltingin í Frakklandi hófst svo 22. febrúar og þaðan breiddist byltingarhugsjónin út um alla Evrópu.[1] Byltingarnar náðu til yfir 50 landa, en ekkert samráð eða samvinna var milli hinna ólíku byltingarhreyfinga. Kveikjur byltinganna voru útbreidd óánægja með íhaldsstjórnir, kröfur um aukna stjórnmálaþátttöku og lýðræði, prentfrelsi, og aukin efnahagsleg réttindi verkalýðsins, auk uppgangs þjóðernisstefnu.[2] Efnahagslegir þættir, eins og kartöflubresturinn í Evrópu, ýttu undir óróa með því að skapa hungur og fólksflótta frá ákveðnum svæðum.[3]
Tilvísanir
[breyta | breyta frumkóða]- ↑ Haupt, Heinz-Gerhard; Langewiesche, Dieter (2008). „The European Revolution of 1848: Its Political and Social Reforms, its Politics of Nationalism, and its Short- and Long-Term Consequences“. Í Dowe, Dieter; Haupt, Heinz-Gerhard; Langewische, Dieter; Sperber, Jonathan (ritstjórar). Europe in 1848: Revolution and Reform. Berghahn. bls. 1–23. ISBN 978-1-57181-164-6.
- ↑ Pogge von Strandmann, Hartmut (2002). „1848–1849: A European Revolution?“. Í Evans, Robert; Pogge von Strandmann, Hartmut (ritstjórar). The Revolutions in Europe, 1848–1849: From Reform to Reaction. Oxford: Oxford University Press. bls. 1–8. ISBN 978-0199249978.
- ↑ Ó Gráda, Cormac; Vanhaute, Eric; Paping, Richard (2006). The European subsistence crisis of 1845-1850: a comparative perspective (PDF). XIV International Economic History Congress. Afrit af upprunalegu (PDF) geymt þann 17 apríl 2017.
