Brettingsstaðir (Laxárdal)

Úr Wikipediu, frjálsa alfræðiritinu
Jump to navigation Jump to search
Í Brettingsstaðalandi, Hofstaðir handan Laxár og Bláfjall í fjarska

Brettingsstaðir er eyðibýli efst (það er syðst) í Laxárdal í Suður-Þingeyjarsýslu, vestan Laxár, sem rennur meðfram endilöngu landi jarðarinnar. Þar eru margir ágætir silungsveiðistaðir.

Á vesturmörkum jarðarinnar er Másvatn og vestan þess jarðirnar Víðar og Máskot. Fyrir sunnan eru jarðirnar Helluvað og Laxárbakki í Mývatnssveit. Handan (austan) ár eru Hofstaðir og eyðibýlið Hamar. Á milli Brettingsstaða og Ljótsstaða, næstu jarðar fyrir neðan (það er norðan) sem einnig er í eyði, er Varastaðaskógur, fallegur birkiskógur sem er á náttúruminjaskrá.[1] [2] Bílfært er með varfærni úr Mývatnssveit að Brettingsstöðum og þaðan liggur vinsæl gönguleið niður Laxárdal.

Brettingsstaðir fóru í eyði árið 1954. Þar hafa fundist fornar kirkjurústir.

Myndir[breyta | breyta frumkóða]

Tilvísanir[breyta | breyta frumkóða]

  1. Náttúruminjaskrá. Á vef Náttúrufræðistofnunar Íslands, skoðað 24. apríl 2020.
  2. Norðausturland. Á vef Umhverfisstofnunar, skoðað 24. apríl 2020.

Heimildir[breyta | breyta frumkóða]

  • Laxárdalur í Suður-Þingeyjasýslu. Dagur, 10. ágúst 1977“.