Bragðarefur

Úr Wikipediu, frjálsa alfræðiritinu

Bragðarefur er vinsæll ísréttur sem fæst í flestum ísbúðum víðsvegar um Ísland. Bragðarefurinn er útbúinn þannig að ís er látinn í ílát og nammi, ávöxtum og sósum að eigin vali er blandað saman við ísinn í sérstakri hrærivél, svo er ísnum mokað í pappaílát með sleif. Oft er nammi eða ávextir sett ofan á ísinn til skrauts. Bragðarefinn er hægt að útbúa í mörgum stærðum. Nú hafa nokkur matvælafyriritæki á Íslandi sett á markað tilbúinn bragðaref.

Saga bragðarefsins[breyta | breyta frumkóða]

Bragðarefurinn er ekki séríslenskt fyrirbæri en er þó ekki fáanlegur alls staðar í heiminum. Hann var fundinn upp í Bandaríkjunum árið 1973 og þekkist þar undir nafninu mix-in. Hjá McDonald's er hann seldur undir nafninu McFlurry en það eru oftast ekki ávextir í þeim og ekki eins mikið úrval af bragðtegundum í þeim ísrétti. Hjá Dairy Queen hefur hann verið seldur undir heitinu Blizzard frá árinu 1985.

  Þessi matar eða drykkjargrein er stubbur. Þú getur hjálpað til með því að bæta við greinina.