Bonaire

Bonaire
Boneiru
Fáni	Skjaldarmerki
Þjóðsöngur: Tera di Solo y Suave Biento
Höfuðborg	Kralendijk
Opinbert tungumál	papiamentu, hollenska
Stjórnarfar	Sveitarstjórn
Undirlandstjóri	John Soliano
Handanhafssveitarfélag í Hollandi
• Upplausn Hollensku Antillaeyja	10. október 2010
Flatarmál  • Samtals	288 km²
Mannfjöldi  • Samtals (2025)  • Þéttleiki byggðar	26.552 83,6/km²
VLF (KMJ)	áætl. 2023
• Samtals	0,722 millj. dala
• Á mann	29.300 dalir
Gjaldmiðill	bandaríkjadalur
Tímabelti	UTC−04:00
Þjóðarlén	.nl
Landsnúmer	+599

Bonaire er eyja í Karíbahafi sem tilheyrir Hollandi. Höfuðborg eyjarinnar er Kralendijk, á vesturströnd eyjarinnar. Arúba, Bonaire og Curaçao mynda ABC-eyjar, 80 km frá strönd Venesúela. Loftslag á eyjunum er þurrt sem laðar að sér gesti sem leita að hlýju, sólríku veðri allt árið; og þær eru utan myndunarsvæðis hitabeltisfellibylja. Bonaire er vinsæll köfunarstaður vegna margra köfunarstöðva á ströndinni, skipsflaka og góðs aðgengis að kóralrifjum.

Þann 1. janúar 2025 voru íbúar eyjarinnar samtals 26,552, sem er 10.011 manna aukning frá árinu 2012. Heildarflatarmál eyjarinnar er 288 km²; hún er 38,6 km löng frá norðri til suðurs og á bilinu 5–8 km breið frá austri til vesturs.

Bonaire var hluti af Hollensku Antillaeyjum þar til það ríki var leyst upp árið 2010. Þá varð eyjan sérstakt sveitarfélag í Hollandi ásamt Sint Eustatius og Saba. 80% íbúa Bonaire eru hollenskir ríkisborgarar, og nærri 60% íbúa fæddust í fyrrum aðildarríkjum Hollensku Antillaeyja og Arúba.

Heiti

Nafnið Bonaire er talið vera dregið af Caquetio-orðinu Bonay, sem þýðir „láglendi“. Fyrstu spænsku og hollensku landnemarnir á eyjunni breyttu stafsetningu þess í Bojnaj og einnig Bonaire. Samkvæmt annarri kenningu gæti nafnið verið dregið af spænsku setningunni „buen aire“, sem þýðir „gott loft“, þar sem Spánverjar voru fyrstu Evrópubúarnir sem námu þar land.

Landfræði

Mynd af Bonaire og smærri eyjunni Klein Bonaire.

Kort af Bonaire, 1914-1917.

Bonaire er um 80 kílómetra undan strönd Venesúela. Landflatarmál eyjunar er 288 ferkílómetrar, en Klein Bonaire, lítil eyðiey undan vesturströnd hennar, bætir 6 ferkílómetrum við.

Á norðurhluta bonaire er hæsti tindurinn, Brandaris, sem er aðeins 240 metrar. Suðurhluti eyjarinnar er næstum sléttur og rís varla yfir sjávarmál. Þetta svæði inniheldur einnig Lake Bay með stórum fenjaviðarskógi. Ströndin í Bonaire er þakin lónum og vogum, en stærst þeirra er Gotovatn í norðri.

Yfirborð Klein Bonaire er nokkuð slétt og aðeins um tveir metrar yfir sjávarmáli.

Menning

Íþróttir

Bonaire er vinsæll áfangastaður fyrir kafara.

Kralendijk-leikvangurinn.

Íbúar Bonaire taka þátt í fjölmörgum íþróttaviðburðum, þar á meðal vinsælum íþróttum sem laða að sér ferðamenn til eyjarinnar eins og köfun, sigling, veiði, hjólreiðar, hafnabolti, blak og tennis. Það eru margar köfunarverslanir á Bonaire, sem flestar bjóða upp á köfunarkennslu.