Bologna-háskóli

Úr Wikipediu, frjálsa alfræðiritinu
Jump to navigation Jump to search
Bolognaháskóli
Merki skólans
Stofnaður: 1088
Gerð: Opinber háskóli
Rektor: Giovanni Molari
Nemendafjöldi: 87.590
Staðsetning: Bologna, Ítalía
Vefsíða

Háskólinn í Bologna (ítalska: Alma mater studiorum - Università di Bologna, UNIBO) er rannsóknarháskóli í Bologna á Ítalíu. Hann var stofnaður árið 1088 af samtökum nemenda, er elsti starfandi háskólinn í heiminum og fyrsti skólinn sem telst sem æðri menntastofnun. Orðið universitas (háskóli) var búið til við stofnun hans.

Hann er einn af virtustu háskólum Ítalíu og er vanalega í fyrsta sæti á innlendum, evrópskum og alþjóðlegum gæðalistum bæði fyrir einstakar greinar og í heild. Frá stofnun hefur hann laðað að sér fjölda fræðimanna, kennara og námsmanna frá allri Ítalíu og heiminum öllum. Hann hefur fest sig í sessi sem ein helsta miðstöð menntunar á alþjóðavísu.

Hann var fyrsti námsstaðurinn sem notaði hugtakið universitas um félag nemenda og meistara, sem kom til með að skilgreina stofnunina (sérstaklega fræga lagadeild hans) sem staðsett er í Bologna. Merki háskólans ber kjörorðið Alma mater studiorum („Nærandi móðir námsins“) og ártalið 1088 e.Kr. Um 87.500 nemendur sækja 11 skóla háskólans. Háskólasvæði skólans eru í Cesena, Forlì, Ravenna og Rimini auk erlends útibús í Búenos Aíres, Argentínu. Innan háskólans er einnig afburðaskóli sem heitir Collegio Superiore di Bologna.

Háskólinn í Bologna var sá fyrsti til að veita konu prófgráðu og kennarastöðu árið, Bettisia Gozzadini, sem og að veita fyrstu konunni bæði doktorsgráðu í vísindum og launaða stöðu sem háskólaprófessor, Laura Bassi.