Blúsrokk
Blúsrokk er tónlistarstefna þar sem rokki er blandað við blús. Uppruni þess er á snemma á 7. áratug 20. aldar. Í Bretlandi voru það the Rolling Stones, the Yardbirds, the Animals og Eric Clapton (Cream o.fl.) sem risu til frægðar með þessum stíl. Canned Heat voru meðal sveita vestanhafs.
Síðar varð blúsrokkið aðeins harðara með böndum eins og bandarísku Allman Brothers Band, Aerosmith, Lynyrd Skynyrd og ZZ Top. Breskar sveitir má nefna eins og Led Zeppelin, Jeff Beck Group og Ten Years After. Sveitir líkt og Jethro Tull , The Moody Blues og Black Sabbath áttu sínar rætur í blúsrokki áður en þær þróuðu eigin stíl.