Bláklukkubálkur

Úr Wikipediu, frjálsa alfræðiritinu
Jump to navigation Jump to search
Bláklukka (Campanula rotundifolia) heyrði áður undir bláklukkubálk.

Bláklukkubálkur (fræðiheiti: Campanulales) var ættbálkur blómplantna. Ættbálkurinn var notaður undir Cronquist-flokkunarkerfinu en síðan APG-kerfið var birt hefur bláklukkubálkur að mestu leyti verið talinn tilheyra körfublómabálki (Asterales), fyrir utan ættkvíslina Sphenoclea, sem tilheyrir nú kartöflubálki (Solanales).

Ættir[breyta | breyta frumkóða]

Þær ættir sem áður tilheyrðu bláklukkubálki eru eftirfarandi, ásamt fjölda ættkvísla og tegunda:

  • Pentaphragmataceae - 1 ættkvísl, Pentaphragma með 30 tegundum frá Suðaustur-Asíu.
  • Sphenocleaceae - 1 ættkvísl með 2 tegundum.
  • Campanulaceae (Bláklukkuætt) - 84 ættkvíslir með nærri því 2400 tegundum.
  • Stylidiaceae (Gikkjurtaætt) - 5 ættkvíslir með yfir 240 tegundum.
  • Donatiaceae - heyrir nú undir gikkjurtaætt.
  • Goodeniaceae - 12 ættkvíslir með 404 tegundum.
  • Brunoniaceae - aðeins ein tegund, Brunonia australis, sem tilheyrir nú Goodeniaceae.