Björn Helgason
| Björn Helgason | ||
| Upplýsingar | ||
|---|---|---|
| Fæðingardagur | 24. september 1935 | |
| Fæðingarstaður | Ísafjörður, Ísland | |
| Leikstaða | Miðjumaður, framherji | |
| Meistaraflokksferill1 | ||
| Ár | Lið | Leikir (mörk) |
| 1955–1962 | ÍBÍ | ? |
| 1963 | Fram | ? (1) |
| 1963–1977 | ÍBÍ | ? |
| Landsliðsferill | ||
| 1959–1963 | Ísland | 2 (0) |
| Þjálfaraferill | ||
| 1986 1992 |
Boltafélag Ísafjarðar (kvk) Boltafélag Ísafjarðar (kk) | |
|
1 Leikir með meistaraflokkum og mörk | ||
Björn Helgason (fæddur 24. september 1935) er íslenskur fyrrum knattspyrnumaður sem spilaði sem miðjumaður og framherji. Hann var meðlimur íslenska landsliðsins á árunum 1959 til 1963.[1]
Ferill með landsliði
[breyta | breyta frumkóða]Eftir góða frammistöðu með ÍBÍ var Björn valinn til að spila í vináttuleik gegn íslenska landsliðinu árið 1958. Hann heillaði áhorfendur með frammistöðu sinni, þar á meðal Albert Guðmundsson, fyrrverandi leikmaður Arsenal og AC Mílanó, sem mælti með honum fyrir landsliðið.[2][3]
Sumarið 1959 var Björn valinn í landsliðið fyrir heimaleiki gegn Noregi og Danmörku í undankeppni Sumarólympíuleikanna 1960 en spilaði ekki.[1] Þann 29. júlí 1959 lék Björn fyrir Ísland gegn Færeyjar og skoraði tvisvar í 5-2 sigri Íslands. Þar sem Ísland var án nokkurra af sínum helstu leikmönnum sínum, taldi KSÍ leikinn ekki sem fullgildan landsleik þó að Færeyska knattspyrnusambandið gerði það.[1] Í ágúst það sama ár var Björn aftur valinn í liðið fyrir leiki gegn Noregi og Danmörku á undanleikunum fyrir Ólympíuleikana. Hann var ónotaður varamaður í 1-1 jafntefli Íslands gegn Danmörku en byrjaði í 1-2 tap Íslands gegn Noregi.[1][4]
Eftir að hafa hjálpað ÍBÍ að vinna næst efstu deild árið 1961 var Björn aftur valinn í landsliðið fyrir vináttuleik sinn gegn Enska landsliðinu, sem samanstóð einungis af áhugamönnum, þann 16. september sama ár. Hann missti af 0-1 tapi Íslands eftir að hafa fengið heilahristing á æfingu fyrir leikinn.[1][5]
Þann 7. september 1963 lék Björn í 0-6 tapi gegn Englandi í undankeppni fyrir Sumarólympíuleikana 1964.[1]
Titlar
[breyta | breyta frumkóða]- 2. deild karla:1 1961[1]
- 3. deild karla:2 1973[1]
1 Hét 2. deild karla þar til árið 1997 þegar nafnið var breytt í 1. deild karla.[6]
2 Hét 3. deild karla þar til árið 1997 þegar nafnið var breytt í 2. deild karla.[6]
Fjölskylda
[breyta | breyta frumkóða]Björn er faðir íslenska söngvarans og leikarans Helga Björnssonar.[7]
Tilvísanir
[breyta | breyta frumkóða]- 1 2 3 4 5 6 7 8 Sigurður Pétursson (2017). Knattspyrnusaga Ísfirðinga. Púkamót, félag. bls. 156–162, 193. ISBN 978-9935-24-189-4.
- ↑ „Hvernig á að skipa landsliðið?“. Tíminn. 17 júní 1959. Sótt 3 janúar 2018.
- ↑ „Landsliðsinnherji á Ísafirði“. Morgunblaðið. 18 júlí 1959. bls. 18, 19. Sótt 3 janúar 2018.
- ↑ „Nýtt líf í íslenzkri knattspyrnu“. Morgunblaðið. 25 ágúst 1959. bls. 18. Sótt 3 janúar 2018.
- ↑ Hallur Símonarson (26. september 1961). „Ánægjuleg Englandsför ísl. landsliðsins“. Alþýðublaðið. Sótt 3 janúar 2018.
- 1 2 „Knattspyrnusagan“. ksi.is. Football Association of Iceland. Afrit af upprunalegu geymt þann 3. mars 2016. Sótt 3 janúar 2018.
- ↑ Helga Kristín Einarsdóttir (30 október 2005). „Erkitöffarinn er liðin tíð“. Morgunblaðið. bls. 12–18. Sótt 3 janúar 2018.
Ytri tenglar
[breyta | breyta frumkóða]- Björn Helgason á ksi.is