Fara í innihald

Bill de Blasio

Úr Wikipediu, frjálsa alfræðiritinu
Bill de Blasio
Bill de Blasio árið 2019.
Borgarstjóri New York
Í embætti
1. janúar 2014 – 31. desember 2021
ForveriMichael Bloomberg
EftirmaðurEric Adams
Persónulegar upplýsingar
Fæddur8. maí 1961 (1961-05-08) (64 ára)
Manhattan, New York-borg, Bandaríkjunum
ÞjóðerniBandarískur
StjórnmálaflokkurDemókrataflokkurinn
MakiChirlane McCray (g. 1994; sk. 2023)
Börn2
HáskóliNew York-háskóli (BA)
Columbia-háskóli (MIA)
Undirskrift

Bill de Blasio (fæddur Warren Wilhelm, Jr.;[1] 8. maí 1961) er bandarískur stjórnmálamaður sem var borgarstjóri New York-borgar frá 2014 til 2022. Hann var áður forseti borgarstjórnar (Public Advocate) frá 2010 til 2013 og þar áður borgarfulltrúi.

De Blasio var framjóðandi Demókrataflokksins í borgarstjórakosningum New York árið 2013. Hann vann afgerandi sigur í kosningunum þann 5. nóvember 2013 með rúmlega 73% atkvæðanna. Hann var fyrsti borgarstjóri New York úr Demókrataflokknum í nærri 20 ár.[2]

De Blasio var endurkjörinn borgarstjóri árið 2017 með 66,5% atkvæða.[3] Öldungadeildarþingmaðurinn Bernie Sanders vígði De Blasio í embætti eftir endurkjör hans þann 1. janúar 2018.[4]

Þann 16. maí 2019 lýsti de Blasio yfir framboði sínu í forvali Demókrataflokksins fyrir forsetakosningar Bandaríkjanna 2020.[5] Hann birti myndband á YouTube þar sem hann sagði tímabært að setja vinnandi fólk í forgang.[6] Hann dró framboð sitt til baka þann 20. september 2019.[7][8] Í febrúar 2020 lýsti hann yfir stuðningi við framboð Bernie Sanders.[9]

Í maí 2022 lýsti de Blasio því yfir að hann hygðist bjóða sig fram á fulltrúadeild Bandaríkjaþings fyrir 10. kjördæmi New York.[10] Í júlí dró hann hins vegar framboð sitt til baka og hætti í stjórnmálum til að einbeita sér að störfum með líknarsamtökum.[11]

De Blasio fæddist 8. maí 1961 í New York-borg. Foreldrar móður hans voru ítalskir innflytjendur en faðir hans er af þýskum ættum. De Blasio nam við Columbia-háskóla og New York-háskóla. Hann kvæntist Chirlaine McCray árið 1994 og á með henni tvö börn.

Tilvísanir

[breyta | breyta frumkóða]
  1. ↑ „A refresher on candidate Bill de Blasio“. Newsday.com. 17 ágúst 2013. Sótt 20. september 2013.
  2. ↑ The New York Times (6 nóvember 2013). „De Blasio Is Elected New York City Mayor in Landslide“. The New York Times. Sótt 6 nóvember 2013.
  3. ↑ „Statement and Return Support for Certification – General Election - 11/7/2017 – Crossover – All Parties and Independent Bodies“ (PDF). Board of Elections in the City of New York. 28 nóvember 2017. Sótt 30 nóvember 2017.
  4. ↑ Erin Durkin (1 janúar 2018). „Mayor de Blasio sworn in for second term by Bernie Sanders“. New York Daily News. Sótt 1 janúar 2018.
  5. ↑ Samúel Karl Ólason (16. maí 2019). „Borgar­stjóri New York staðfestir framboð sitt“. Vísir. Sótt 10. nóvember 2025.
  6. ↑ Julia Marsh; Nolan Hicks; Rich Calder (16 maí 2019). „Bill de Blasio officially launches 2020 presidential campaign“. New York Post. Afrit af upprunalegu geymt þann 16 maí 2019. Sótt 16 maí 2019.
  7. ↑ „Bill de Blasio announces 2020 presidential bid“. The Guardian (enska). Sótt 16 maí 2019.
  8. ↑ „Bill de Blasio ends 2020 presidential campaign“. Politico. 20. september 2019. Sótt 20. september 2019.
  9. ↑ „De Blasio to endorse Bernie Sanders“. POLITICO (enska). Sótt 15 febrúar 2020.
  10. ↑ „Ex-NYC Mayor Bill de Blasio announces run for Congress“. New York Daily News (enska). Sótt 20 maí 2022.
  11. ↑ „Bill de Blasio Drops Bid for N.Y. House Seat“. New York Times (enska). Sótt 19 júlí 2022.
  Þetta æviágrip sem tengist stjórnmálum og Bandaríkjunum er stubbur. Þú getur hjálpað til með því að bæta við greinina.
Sótt frá „https://is.wikipedia.org/w/index.php?title=Bill_de_Blasio&oldid=1935534“