Bart De Wever
| Bart De Wever | |
|---|---|
.jpg) De Wever árið 2025. | |
| Forsætisráðherra Belgíu | |
Núverandi | |
| Tók við embætti 3. febrúar 2025 | |
| Þjóðhöfðingi | Filippus |
| Forveri | Alexander De Croo |
| Persónulegar upplýsingar | |
| Fæddur | 21. desember 1970 Mortsel, Belgíu |
| Þjóðerni | Belgískur |
| Stjórnmálaflokkur | Nýja flæmska bandalagið |
| Maki | Veerle Hegge |
| Börn | 4 |
| Háskóli | Kaþólski háskólinn í Leuven |
| Undirskrift |  |
Bart Albert Liliane De Wever (f. 21. desember 1970) er belgískur rithöfundur, sagnfræðingur og stjórnmálamaður sem hefur verið forsætisráðherra Belgíu frá 3. febrúar 2025. Frá 2004 til 2025 var hann formaður Nýja flæmska bandalagsins (N-VA), stjórnmálaflokks sem vill breyta Belgíu í sambandsríki.[1] De Wever var borgarstjóri Antwerpen frá 2012 til 2025.
Árið 2010 varð Nýja flæmska bandalagið stærsti flokkurinn bæði í Flæmingjalandi og í Belgíu allri. Flokkurinn lenti aftur í fyrsta sæti í næstu þremur kosningum og eftir þingkosningarnar árið 2024 veitti Filippus konungur honum umboð til stjórnarmyndunar. Eftir átta mánaða langar stjórnarmyndunarviðræður myndaði De Wever stjórn og varð forsætisráðherra þann 3. febrúar 2025. Hann er fyrsti flæmski þjóðernissinninn sem hefur verið forsætisráðherra Belgíu.
Forsætisráðherra Belgíu (2025–)
[breyta | breyta frumkóða]De Wever leiddi stjórnmálaflokk sinn til sigurs í þingkosningum Belgíu árið 2010. N-VA varð þá stærsti flokkurinn bæði í Flæmingjalandi og í Belgíu allri. De Wever hlaut stjórnarmyndunarumboð eftir kosningarnar en gafst upp á stjórnarmyndunarviðræðum eftir þrjár vikur.[2] N-VA var áfram stærsti flokkurinn í næstu þremur þingkosningum. Filippus Belgíukonungur bauð De Wever aftur að mynda ríkisstjórn eftir þingkosningar árið 2024.[3]
Eftir rúmlega átta mánaða langar stjórnarmyndunarviðræður var tilkynnt 31. janúar 2025 að komist hefði verið að samkomulagi og að De Wever yrði forsætisráðherra. Þann 3. febrúar 2025 sór De Wever embættiseið ásamt ríkisstjórn sinni og De Wever varð þar með fyrsti flæmski þjóðernissinninn til að gegna embætti forsætisráðherra Belgíu.[4][5]
Einkahagir
[breyta | breyta frumkóða]De Wever fæddist í Mortsel og ólst upp í Kontich, þar sem foreldrar hans, Irene og Henri, áttu litla matvöruverslun.[6] Eldri bróðir De Wever er sagnfræðingurinn og prófessorinn Bruno de Wever, sem kennir við Háskólann í Ghent.[7]
De Wever hóf lögfræðinám við Háskólann í Antwerpen en hætti námi og skipti yfir í sagnfræðinám við Háskóladeild Heilags Ignatíusar í Antwerpen og síðan við Kaþólska háskólann í Leuven.
De Wever er kvæntur Veerle Hegge og á fjögur börn. Hjónin búa í Deurne.[8][9]
Tilvísanir
[breyta | breyta frumkóða]- ↑ „Face à de Wever, Magnette assure qu'il ne discutera "pas une seconde" de confédéralisme“.
- ↑ „Stjórnarmyndun Belga gengur hægt“. Fréttablaðið. 23. ágúst 2010. bls. 8.
- ↑ „Belgian government talks begin with Flemish nationalist Bart De Wever at the helm“ (enska). 10 júlí 2024. Sótt 10 júlí 2024.
- ↑ „Belgium gets new government with Flemish separatist Bart De Wever as PM“. politico (enska). 3 febrúar 2025. Sótt 3 febrúar 2025.
- ↑ „Van 'Slimste mens' tot eerste Vlaams-nationalist als premier: hoe Bart De Wever al 20 jaar de politiek in België domineert“. vrt (hollenska). 1 febrúar 2025. Sótt 3 febrúar 2025.
- ↑ Timmerman, Georges, De politieke roots van Bart De Wever Geymt 18 október 2019 í Wayback Machine, Apache, 14. maí 2013
- ↑ „De politieke roots van Bart De Wever“ (hollenska). 14 maí 2013. Afrit af uppruna á 18 október 2019. Sótt 16 febrúar 2020.
- ↑ „Bart De Wever en zijn vrouw Veerle ook voor kerk getrouwd“. Gazet van Antwerpen (flæmska). 11 júlí 2009. Afrit af uppruna á 24 júlí 2021. Sótt 24 júlí 2021.
- ↑ N-VA (25 júní 2021). „Bart De Wever verwelkomt Mark Rutte in Antwerpen“. YouTube. Afrit af uppruna á 24 júlí 2021. Sótt 24 júlí 2021.
| Fyrirrennari: Alexander De Croo |
|
Eftirmaður: Enn í embætti | |||
Þetta æviágrip sem tengist stjórnmálum og Belgíu er stubbur. Þú getur hjálpað til með því að bæta við greinina.