Barnalánið

Úr Wikipediu, frjálsa alfræðiritinu
Jump to navigation Jump to search

Barnalánið kallast hluti af efnahagsráðstöfunum, sem ríkisstjórn Gunnars Thoroddsens greip til í efnahagsþrengingum snemma á 9. áratugnum. Barnalánið voru tvö kúlulán sem ríkisstjórnin undir forystu Ragnars Arnalds fjármálaráðherra, tók hjá Hambros-bankanum í London upp á 15 milljónir sterlingspunda árið 1981, og aðrar 15 milljónir árið 1983, alls 30 milljónir punda. Lánið hafði gjalddaga þann 31. janúar árið 2016[1] og hefur verið kallað „Barnalánið“ því ljóst var að það yrðu börn þeirra sem tóku lánið sem greiddu það upp.

Af láninu voru greiddir fastir 14.5% vextir árlega. Kúlulán með 14,5% vöxtum til 35 ára, þýðir að eingreiðslan í lok lánstímans er 114 sinnum hærri en upphaflega lánið.[2]

Lánið var óverðtryggt en hins vegar er það háð breytingum á gengi sterlingspunds, sem var tæpar 15 krónur þegar lánið var tekið en var í febrúar 2015 um 200 krónur og lánið komið í 5,6 miljarða kr. [3] Þegar börnin borguðu loksins lánið var upphæðin 7,1 milljarður.[4]

Andvirði lánsins var nýtt til margvíslegra framkvæmda, meðal annars til þess að minnka atvinnuleysi. Fjármálaráðherra var Ragnar Arnalds.[5]

Barnalánið hefur verið greitt upp að fullu.[6]

Tilvísanir[breyta | breyta frumkóða]

  1. http://www.lanamal.is/GetAsset.ashx?id=8369
  2. „Sykurpúðarnir“. Sótt 23. mars 2021.
  3. „Skuldir ríkissjóðs í desember 2014“. Launamál ríkisinns. Sótt 5. febrúar 2015.
  4. Fréttablaðið (16. október 2019). „Íhaldsmaður á almannafé“. Fréttablaðið - 241. tölublað. bls. 10. Sótt 18. mars 2021.
  5. Fréttablaðið (16. október 2019). „Íhaldsmaður á almannafé“. Fréttablaðið - 241. tölublað. bls. 10. Sótt 18. mars 2021.
  6. http://www.mbl.is/frettir/innlent/2016/01/30/barnalanid_loks_greitt_eftir_35_ar/

Heimildir[breyta | breyta frumkóða]