Bandalag íslenskra skáta

Úr Wikipediu, frjálsa alfræðiritinu
Bandalag íslenskra skáta
SkammstöfunBÍS
Stofnun6. júní 1924
GerðLandsamband skáta
HöfuðstöðvarHraunbær 123, Reykjavík
MarkaðsvæðiÍsland
Meðlimir5000
MóðurfélagSkátahreyfingin
Vefsíðahttp://www.skatarnir.is

Bandalag íslenskra skáta (stofnað 6. júní 1924) eru landssamtök skáta á Íslandi. Samtökin urðu meðlimur að alþjóðlegu skátahreyfingunni 29. ágúst 1924. BÍS rekur skátamiðstöð að Úlfljótsvatni sem hefur hýst landsmót skáta, sumarmót og sumarbúðir. Innan skátamiðstöðvarinnar er 5000 manna tjaldstæði og 10 metra klifurturn.

Saga[breyta | breyta frumkóða]

Skátastarf á Íslandi hófst líklega í kringum 16. júlí 1911[1] þegar Ingvar Ólafsson, skáti í Danmörku, undirbjó stofnun skátafélags sem varð að veruleika ári síðar undir nafninu Skátafélag Íslands. Í kjölfarið var skátafélag stofnað 23. apríl 1913 í Reykjavík, 22. maí 1917 á Akureyri og 1920 á Eyrarbakka. Tveimur árum síðar, 7. júlí var fyrsta kvenskátafélag íslands Kvenskátafélag Reykjavíkur stofnað.

6. júní 1924 var landsamband drengskáta stofnað undir nafninu Bandalag íslenskra skáta og fékk inngöngu í skátahreyfinguna sama árs. Fyrsti skátahöfðingi hennar var Axel W. Tulinius. Landsamband kvenskáta var stofnað meira en áratug síðar 23. mars 1938 undir nafninu Kvenskátasamband Íslands. Þremur árum síðar fær landsamband drengskáta jarðréttindi yfir Úlfljótsvatni.

1944 gengu skátafélög kvenskáta inn í Bandalag skáta og urðu þar með fyrsta landsamband kven- og drengskáta í heiminum.

Landsmót skáta á Íslandi[breyta | breyta frumkóða]

Landsmót skáta hafa verið haldin á Íslandi síðan 1925. Landsmótin voru upphaflega haldin á fjögurra ára fresti en nú eru þau haldin á þriggja ára fresti. Nýleg skátamót á íslandi eru:

Ár Staðsetning Þema
1981 Kjarnaskógi, Akureyri Nýr heimur - nýtt líf
1986 Viðey Nýtt lýðveldi
1990 Skátamiðstöðin Úlfljótsvatni Undraland
1993 Kjarnaskógi, Akureyri Út í veröld bjarta
1996 Skátamiðstöðin Úlfljótsvatni Á víkingaslóð
1999 Skátamiðstöðin Úlfljótsvatni Leiktu þitt lag
2002 Hamrar, Akureyri Álfar og tröll
2005 Skátamiðstöðin Úlfljótsvatni Orka jarðarinnar
2008 Hamrar, Akureyri Á víkingaslóð
2012 Skátamiðstöðin Úlfljótsvatni Aldarafmæli skátahreyfingarinnar á Íslandi
2014 Hamrar, Akureyri Í takt við tímann
2016 Skátamiðstöðin Úlfljótsvatni Leiðangurinn mikli

Heimildir[breyta | breyta frumkóða]

  1. „Níutíu skátaár“. www.mbl.is. Sótt 25. júní 2021.