Bólbeita
Bólbeita eða pikköpplína (enska: pick-up line) er setning til að brjóta ísinn í samræðum við annan einstakling sem viðkomandi hefur kynferðislegan áhuga á og/eða langar til að kynnast betur.
Þessar setningar einkennast oft af hnyttni, fyndnum hugrenningatengslum og jafnvel duldum klúryrðum eða ágengni í framsetningu. Þær geta einnig verið grófar og óviðeigandi og stundum settar fram á óhefðbundinn hátt. Hins vegar geta bólbeitur fljótt orðið lágkúrulegar klisjur, jafnvel hættulega óviðurkvæmilegar, of væmnar og þá um leið illa þokkaðar. Þegar það gerist hafa þær þveröfug áhrif við upphaflega ætlun sína.
