Básendar

Úr Wikipediu, frjálsa alfræðiritinu

Básendar (Bátsandar) voru fyrrum kaupstaður og útræði á Reykjanesskaga vestanverðum. Básendar eru sunnarlega á Miðnesi (Rosmhvalanesi), á milli Stafness og Hafna. Höfnin var langt og mjótt lón, sem var eins og bás austur og inn í landið. Básendar voru verslunarstaður að minnsta kosti frá 1484 til 1800, þar var ein af höfnum einokunarverslunarinnar og náði verslunarsvæðið yfir Hafnir, Stafnes og Miðnes. Hinrik Hansen átti Básenda og var kaupmaður þar í lok 18. aldar og hefur verið nefndur síðasti kaupmaðurinn á Básendum enda var aldrei verslað né búið á Básendum eftir að hann fór þaðan. Yfir Básenda gekk Básendaflóðið árið 1799 og lagði staðinn í rústir. Lagðist þá verslun þar af.

Heimildir[breyta | breyta frumkóða]

  • „Básendaflóðið 1799 - Lýður Björnsson“ (PDF). Sótt 7. janúar 2013.
  • „Básendar (kort)“. Afrit af upprunalegu geymt þann 6. janúar 2017. Sótt 7. janúar 2013.
  • Básendar - Gamall verzlunarstaður á Suðurnesjum, Lesbók Morgunblaðsins, 21. maí 1967, bls. 12-13
  • Básendaför á björtum degi, Lesbók Morgunblaðsins, 9. júlí 1978, bls. 6-7+12
  • Básendar - Básendaflóð. Texti með jarðfræðikorti af Suðvesturlandi.