Ayrton Senna

Ayrton Senna

Senna á þýska kappakstrinum 1988
Fæddur	Ayrton Senna da Silva 21. mars 1960(1960-03-21) Santana, São Paulo, Brasilía
Dáinn	1. maí 1994 (34 ára) Bologna, Emilía-Rómanja, Ítalía
Formúlu 1 ferill
Þjóðerni	Brasilískur
Ár	1984-1994
Lið	Toleman, Lotus, McLaren, Williams
Keppnir	162 (161 ræsing)
Sigrar	41
Verðlaunapallar	80
Stig á ferli	610
Ráspólar	65
Hröðustu hringir	19
Fyrsta keppni	Brasilíski kappaksturinn 1984
Fyrsti sigur	Portúgalski kappaksturinn 1985
Síðasti sigur	Ástralski kappaksturinn 1993
Seinasta keppni	San Marínó kappaksturinn 1994

Ayrton Senna da Silva (f. 21. mars 1960 – d. 1. maí 1994) var brasilískur akstursíþróttamaður sem keppti í Formúlu 1 á árunum 1984 til 1994. Senna vann þrjá heimsmeistaratitla ökumanna með McLaren.

Fæddur og uppalinn í São Paulo, Senna byrjaði að keppa á go-kart 13 ára. Eftir að hafa unnið sig upp um yngri deildir í formúlu kappakstri komst hann í Formúlu 1 árið 1984 með Toleman liðinu. Fyrsta keppnin hans í Formúlu 1 var brasilíska kappakstrinum 1984. Eftir að hafa náð nokkrum verðlaunapöllum á fyrsta tímabilinu sínu fór hann yfir til Lotus árið 1985. Hann var hjá Lotus til 1987 og vann nokkrar keppnir með þeim.

Senna skrifaði undir hjá McLaren árið 1988 og varð þá liðsfélagi Alain Prost. Saman unnu þeir 15 af 16 keppnum tímabilsins á McLaren MP4/4 með Honda mótor. Senna stóð uppi sem heimsmeistari með 8 sigra og þremur fleiri stigum heldur en liðsfélagi sinn Prost. Hörð keppni var milli liðsfélagana sem fór að Prost vann titilinn 1989 og færði sig þá til Ferrari fyrir 1990 tímabilið. Senna vann sinn annan heimsmeistaratitil 1990 og þriðja 1991. Senna fór til Williams árið 1994.

í San Marino kappakstrinum 1994 á Imola brautinni var Senna að leiða keppnina þegar hann hafnar á steypuvegg utan brautar. Hann var fluttur með þyrlu á spítala í Bologna þar sem hann var úrskurðaður látinn. Talið er að um þrjú milljón manns hafa komið í útför hans. Ráðist var í miklar öryggisbreytingar eftir slysið og var Senna seinasti ökumaðurinn sem lést í slysi í Formúlu 1 þar til Jules Bianchi deyr árið 2015. Á ferli sínum vann Senna 41 keppni, náði 65 ráspólum, 19 hröðustu hringjum og 80 verðlaunapöllum í Formúlu 1.