Arthur Meighen
| Arthur Meighen | |
|---|---|
 Arthur Meighen á þriðja áratugnum. | |
| Forsætisráðherra Kanada | |
| Í embætti 29. júní 1926 – 25. september 1926 | |
| Þjóðhöfðingi | Georg 5. |
| Landstjóri | Byng lávarður af Vimy |
| Forveri | W. L. Mackenzie King |
| Eftirmaður | W. L. Mackenzie King |
| Í embætti 10. júlí 1920 – 29. desember 1921 | |
| Þjóðhöfðingi | Georg 5. |
| Landstjóri | Hertoginn af Devonshire Byng lávarður af Vimy |
| Forveri | Robert Borden |
| Eftirmaður | W. L. Mackenzie King |
| Persónulegar upplýsingar | |
| Fæddur | 16. júní 1874 Anderson, Ontario, Kanada |
| Látinn | 5. ágúst 1960 (86 ára) Torontó, Ontario, Kanada |
| Stjórnmálaflokkur | Íhaldsflokkurinn (1908–1917, 1922–1942) Sambandssinnaflokkurinn (1917–1922) Framsækni íhaldsflokkurinn (1942–1960) |
| Maki | Jessie Isabel Cox (g. 1904) |
| Börn | 3 |
| Háskóli | Háskólinn í Torontó (BA) |
| Undirskrift |  |
Arthur Meighen (16. júní 1874 – 5. ágúst 1960) var kanadískur lögfræðingur og stjórnmálamaður sem var níundi forsætisráðherra Kanada frá 1920 til 1921 og frá júní til september árið 1946. Hann var leiðtogi Íhaldsflokksins frá 1920 til 1926 og frá 1941 til 1942.
Meighen fæddist í Anderson í Ontario. Fjölskylda hans kom frá Londonderry-sýslu á Írlandi. Hann nam stærðfræði við Háskólann í Torontó og hlaut síðan þjálfun til að vinna sem lögmaður.[1] Eftir að hann hlaut lögmannsréttindi flutti hann til Portage la Prairie í Manitoba. Meighen var kjörinn á neðri deild kanadíska þingsins árið 1908 og var árið 1913 skipaður ráðherra í ríkisstjórn Roberts Borden. Hann gegndi meðal annars embættum ríkissaksóknara, innanríkisráðherra og ráðherra í málefnum frumbyggja.
Í júlí 1920 tók Meighen við af Borden sem leiðtogi Íhaldsflokksins og sem forsætisráðherra.[1][2] Hann var fyrsti forsætisráðherra Kanada sem fæddur var eftir stofnun kanadíska fylkjasambandsins. Meighen tapaði þingkosningum árið 1921 gegn Mackenzie King og Frjálslynda flokknum. Meighen datt sjálfur út af þingi en komst aftur inn á þing í aukakosningum árið 1922 og varð leiðtogi stjórnarandstöðunnar. Árið 1925 unnu Íhaldsmenn flest þingsæti en vantaði átta sæti upp á hreinan meirihluta. Mackenzie King tókst hins vegar að mynda nýja stjórn með stuðningi Framfaraflokksins. Meighen varð aftur forsætisráðherra til skamms tíma árið 1926 eftir „King–Byng-málið“ svokallaða, þegar King bað landstjóra um að rjúfa þing en var synjað.[3] Stjórn Meighen féll brátt fyrir vantrauststillögu og boðað var til annarra kosninga síðar um árið. Í kosningunum datt Meighen út af þingi, Íhaldsflokkurinn tapaði 24 þingsætum og King og Frjálslyndi flokkurinn mynduðu nýja stjórn.
Eftir ósigurinn í kosningunum 1926 sagði Meighen af sér sem flokksleiðtogi og sneri sér aftur að lögmannsstörfum. Hann var skipaður í sæti á öldungadeild kanadíska þingsins árið 1932 og varð leiðtogi stjórnarmeirihlutans á öldungadeildinni og ráðherra án ráðuneytis í stjórnartíð R. B. Bennett til ársins 1935. Árið 1941 varð Meighen leiðtogi Íhaldsflokksins í annað skipti eftir afsögn Roberts Manion. Meighen reyndi að komast aftur á þing í aukakosningum en náði ekki kjöri. Hann sagði því af sér sem flokksleiðtogi og sneri sér að lögmannsstörfum á ný.[4]
Tilvísanir
[breyta | breyta frumkóða]- 1 2 Glassford, Larry. „Arthur Meighen“. Dictionary of Canadian Biography. Sótt 23 febrúar 2022.
- ↑ „Forsætisráðherra skifti Canada“. Lögberg. 5. ágúst 1920. bls. 4.
- ↑ J. E. Esberey, "Personality and Politics: A New Look at the King–Byng Dispute," Canadian Journal of Political Science 1973 6(1): 37–55 in JSTOR
- ↑ „Mr. Meighen Kveður“. Heimskringla. 16. desember 1942. bls. 9–10.
| Fyrirrennari: Robert Borden |
|
Eftirmaður: W. L. Mackenzie King | |||
| Fyrirrennari: W. L. Mackenzie King |
|
Eftirmaður: W. L. Mackenzie King | |||
 | ||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.