Anna Johansdotter Norbäck
Anna Johansdotter Norbäck (25. mars 1804 – 3. janúar 1879), líka kölluð „móðir Anna“, var sænskur trúarleiðtogi. Hún var forystukona Annanítanna sem drógu nafn sitt af henni, en sjálf kölluðu þau sig „evangelísk-lúthersku fríkirkjuna“. Anna var frá Ångermanland í Norður-Svíþjóð og varð fyrir vitrunum um þrítugt sem sannfærðu hana um að sænska þjóðkirkjan væri á villigötum. Hún gagnrýndi svokallaðar „nýbækur“, nýjar útgáfur af Minni katekismus og Kirkjupostillu Lúthers frá fyrri hluta 19. aldar. Hún var bókstafstrúarkona sem áleit að orð Biblíunnar og skrif Lúthers bæri að túlka bókstaflega. Hreyfingin taldi allt að 600 manns um 1870, en eftir lát Önnu kvarnaðist hratt úr henni og hún leystist alveg upp um 1920.[1]
Tilvísanir
[breyta | breyta frumkóða]- ↑ „Anna Johansdotter Norbäck“. Svenskt kvinnobiografiskt lexikon. Sótt 7. október 2020.
